Soltústik Qazaqstan oblysynda erli-zaiypty mas júrgizýshiniń kinásinen mert boldy, dep habarlaidy QazAqparat.
SQO politsiia departamenti baspasóz qyzmetiniń málimetinshe, oqys oqiǵa 3 aqpanǵa qaraǵan túni Esil aýdany Voloshinka eldi mekeninde bolǵan. «Ford Focus» avtokóliginiń júrgizýshisi aýyl mańyndaǵy jolda jaiaý ketip bara jatqan erli-zaiyptyny qaǵyp ketken.
Olar sol jerde jan tapsyrdy.
Sheteldik kóliktiń júrgizýshisi oqiǵa ornynda ustaldy. Kýálandyrý júrgizýshiniń alkogoldi mas bolǵanyn kórsetti.
Jol-kólik oqiǵasy boiynsha QR Qylmystyq kodeksiniń «Abaisyzda eki nemese odan kóp adamnyń ólimine alyp kelgen alkogoldik masań kúide kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy» baby boiynsha sotqa deiingi tergeý bastaldy.
32 jastaǵy júrgizýshi, Voloshinka aýylynyń turǵyny, ýaqytsha ustaý izoliatoryna qamaldy. Sotqa deiingi tergeý aiasynda birqatar saraptamalar taǵaiyndaldy.
Oqiǵanyń mán-jaiy anyqtaý jumystary barysynda belgili bolmaq.
«Jol júrisi qaǵidalaryn óreskel buzýshylardy anyqtaýǵa baǵyttalǵan profilaktikalyq is-sharalarǵa qaramastan, júrgizýshilerdiń jol ústindegi tártibi kóńil kónshitpeidi. Jyl basynan SQO joldarynda kólikti mas kúide júrgizgen 50-den astam júrgizýshi ustaldy», - deidi SQO PD bastyǵynyń birinshi orynbasary Qanat Aitbaev.
