Bul týraly QR Aýyl sharýashylyǵy vitse-ministri Gúlmira Isaeva BAQ ókilderiniń suraǵyna jaýap berý kezinde habarlady, dep habarlaidy "Ult aqparat".
«QR AShM veterinariialyq baqylaý jáne qadaǵalaý komitetiniń Respýblikalyq epizootiiaǵa qarsy jasaǵy qus tumaýynan ólgen úi qustarynyń ielerine kelgen shyǵyn qunyn ortasha ailyq naryqtyq baǵa negizinde tóleidi. Baǵany Soltústik Qazaqstan oblysy ákimdigi janyndaǵy arnaiy komissiia anyqtaidy», - dep habarlady vitse-ministr.
Ótemaqy alý úshin mal ieleri ótinish berýi kerek. Aqshalai qarajat kartaǵa aýdarylady. Bul rette zardap shekken janýarlardyń óleksesine komissiialyq akti jasalyp, resmi túrde tirkelýi qajet.
«Ólgen qustyń ár iesi zańmen belgilengen ótemaqyny alýy úshin biz birinshi kúnnen bastap qustardyń ólimin jáne ólekselerdi joiý aktilerin tirkei bastadyq», - dep tolyqtyrdy Gúlmira Isaeva.
Esterińizge sala keteiik, Soltústik Qazaqstan oblysynyń jeti aýdanynda aǵymdaǵy jyldyń 9-16 qyrkúiek aralyǵynda ártúrli úi qustarynyń ólimi tirkeldi. Qazir óńirde joǵary patogendi qus tumaýynyń taralýyna qarsy sharalar qabyldanýda: vaktsinalar jetkizildi, indet anyqtalǵan aýmaqtar zalalsyzdandyryldy, ólgen qustar joiylýda.
Sonymen qatar, búginnen bastap Soltústik Qazaqstan oblysynyń Timiriazev, Taiynsha, Jambyl, Qyzyljar, Shal aqyn, Ǵ.Músirepov, M.Jumabaev aýdanynan tiri qus jáne inkýbatsiialyq jumyrtqa, mamyq pen qaýyrsyn, qus eti men qus sharýashylyǵy ónimderiniń barlyq túrlerin, qustarǵa arnalǵan jemshóp pen jemshóp qospalaryn, sondai-aq buryn paidalanýda bolǵan qustardy kútip-baǵýǵa, soiýǵa jáne músheleýge arnalǵan jabdyqtardy shyǵaryýǵa ýaqytsha shekteýler engizildi.
QR AShM veterinariialyq qadaǵalaý jáne baqylaý komitetiniń málimetinshe, aýrý Soltústik Qazaqstan oblysynyń aýmaǵyna jabaiy qonys aýdaratyn qustardan taraǵan degen boljam jasap otyr. Tolyǵyraq aqparat myna siltemede.
Eske sala keteiik, biz buǵan deiin SQO-nyń 7 aýdanynda qus tumaýynyń oshaǵy anyqtalǵanyn, qus tumaýynyń beleń alýyna bailanysty 10 eldimekenniń karantinge jabylǵanyn aitqan edik.
Osyǵan bailanysty SQO-da úi qustaryna qus tumaýyna qarsy vaktsina egiletin boldy.
