QR Ulttyq gvardiia akademiiasy kýrsanttarynyń AK-74 avtomatymen jattyǵýy barysynda jumysshyǵa oq tidi, dep habarlaidy QazAqparat.
«2022 jyldyń 4 sáýirinde QR Ulttyq gvadriia akademiiasynyń atys alańynda kýrsanttardyń oqý tobynyń jeke quramymen AK-74 avtomatynan oq atý jattyǵýy ótkizildi. Saǵat 13.00-den keiin qum qazyp jatqan jumysshynyń jeńil jaraqat alǵany týraly habarlama tústi. Mán-jai anyqtalǵannan keiin alǵashqy meditsinalyq kómek kórsetý úshin oq atý barysyn qamtamasyz etetin kezekshi feldsher mingen sanitarlyq kólik jiberildi. Zardap shegýshige alǵashqy meditsinalyq kómek kórsetilip, akademiia lazaretiniń jedel járdem kóligimen Petropavl qalasy aýrýhanasynyń travmatologiia pýnktine jetkizildi», - delingen atalǵan akademiia baspasóz qyzmeti habarlamasynda.
Taratylǵan aqparatqa qaraǵanda, oq ushyp jetetin keńistik aýmaǵyndaǵy qum qazý jumystary QR Ulttyq gvardiia akademiiasy basshylyǵymen kelisilei júrgizilgen.
Oipań jerde júrgizilgen qum qazý jumystary shep beketterine jáne ortalyq basqarý pýnktine baiqalmaǵan.
Oq atýdy uiymdastyrý jáne ótkizý týraly basshylyq qujattar talaptaryna orai jattyǵý barlyq sharttarǵa sáikes oryndalǵan:
- áskeri atys alańynda oqý atý júrgiziletini aýyldyq okrýgterdiń (Beriozovskii) ákimshilik apparatyna, ózara is-qimyl jasaýshy organdarǵa habarlandy;
- Nur-Sultan men Petropavl qalalarynyń áýe keńistigin basqarý ortalyqtaryna áýe keńistigin paidalanýǵa arnalǵan ótinim, odan keiin oq atýdyń bastalǵany jáne aiaqtalǵany týraly baiandama jiberildi.
«Zardap shegýshiniń jaǵdai birqalypty dep baǵalanady. Ol meditsinalyq kómek kórsetilgennen keiin úiine ketti. Atalǵan fakti boiynsha tergeý amaldary júrgizilip jatyr. Ballistikalyq saraptama taǵaiyndaldy», - dep atap ótedi akademiiadan.
