Soltústik Qazaqstan oblysynda Sogrov qoryǵynda eki elik atyp alǵan brakonerler ustaldy, dep habarlaidy QazAqparat.
SQO politsiia departamenti baspasóz qyzmetiniń málimetinshe, 14 qyrkúiek kúni tabiǵatty qorǵaý politsiiasynyń aǵa inspektory, «Kókshetaý» ulttyq tabiǵi parktiń inspektory jáne Qyzyljar aýdanyndaǵy Sogrov qoryǵynyń bas qoryqshysy qoryq aýmaǵyna túnde reidke shyǵyp, myltyq daýysyn estidi. Brakonerlerdi ustaý úshin bólinip, orman ishin súzedi. Nátijesinde sibir eligin soiyp jatqan úsheýdiń ústinen túsedi. Sol jerde turǵan «Toyota Prado» kóliginiń júk salǵyshynda taǵy bir ańnyń eti bolǵan.
Bul derek «Zańsyz ańshylyq» boiynsha sotqa deiingi tergep-tekserýlerdiń biryńǵai tizilimine engizildi. Kúdikti úsh adam ustaldy. Olardyń ekeýi – 52 jáne 39 jastaǵy petropavldyq, bireýi 51 jastaǵy Mamliýt aýdanynyń turǵyny. Olardan 308 kalibrli «Steyr Mannlicher» oiyq uńǵyly karabin alyndy.
«Tabiǵatty qorǵaý politsiiasynyń qyzmetkerleri mundai reidke jii shyǵyp turady. Maqsat zańsyz ań aýlaý faktileriniń aldyn alý jáne balyq aýlaý tártibiniń buzylýyna jol bermeý. Is-sharaǵa múddeli mekemelerdiń ókilderi de qatysady. Jyl basynan oblysta zańsyz ań aýlaýǵa qatysty 10 derek tirkelip, ań aýlaý tártibin buzýdyń 405 jaǵdaiy tirkeldi», - deidi SQO PD jergilikti politsiia qyzmeti basqarmasynyń tabiǵatty qorǵaý politsiiasy tobynyń aǵa inspektory Ashat Qojabaev.
