سولتٷستٸك قازاقستان وبلىسىندا سوگروۆ قورىعىندا ەكٸ ەلٸك اتىپ العان براكونەرلەر ۇستالدى, دەپ حابارلايدى قازاقپارات.
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, 14 قىركٷيەك كٷنٸ تابيعاتتى قورعاۋ پوليتسيياسىنىڭ اعا ينسپەكتورى, «كٶكشەتاۋ» ۇلتتىق تابيعي پاركتٸڭ ينسپەكتورى جەنە قىزىلجار اۋدانىنداعى سوگروۆ قورىعىنىڭ باس قورىقشىسى قورىق اۋماعىنا تٷندە رەيدكە شىعىپ, مىلتىق داۋىسىن ەستيدٸ. براكونەرلەردٸ ۇستاۋ ٷشٸن بٶلٸنٸپ, ورمان ٸشٸن سٷزەدٸ. نەتيجەسٸندە سٸبٸر ەلٸگٸن سويىپ جاتقان ٷشەۋدٸڭ ٷستٸنەن تٷسەدٸ. سول جەردە تۇرعان «Toyota Prado» كٶلٸگٸنٸڭ جٷك سالعىشىندا تاعى بٸر اڭنىڭ ەتٸ بولعان.
بۇل دەرەك «زاڭسىز اڭشىلىق» بويىنشا سوتقا دەيٸنگٸ تەرگەپ-تەكسەرۋلەردٸڭ بٸرىڭعاي تٸزٸلٸمٸنە ەنگٸزٸلدٸ. كٷدٸكتٸ ٷش ادام ۇستالدى. ولاردىڭ ەكەۋٸ – 52 جەنە 39 جاستاعى پەتروپاۆلدىق, بٸرەۋٸ 51 جاستاعى مامليۋت اۋدانىنىڭ تۇرعىنى. ولاردان 308 كاليبرلٸ «Steyr Mannlicher» ويىق ۇڭعىلى كارابين الىندى.
«تابيعاتتى قورعاۋ پوليتسيياسىنىڭ قىزمەتكەرلەرٸ مۇنداي رەيدكە جيٸ شىعىپ تۇرادى. ماقسات زاڭسىز اڭ اۋلاۋ فاكتٸلەرٸنٸڭ الدىن الۋ جەنە بالىق اۋلاۋ تەرتٸبٸنٸڭ بۇزىلۋىنا جول بەرمەۋ. ٸس-شاراعا مٷددەلٸ مەكەمەلەردٸڭ ٶكٸلدەرٸ دە قاتىسادى. جىل باسىنان وبلىستا زاڭسىز اڭ اۋلاۋعا قاتىستى 10 دەرەك تٸركەلٸپ, اڭ اۋلاۋ تەرتٸبٸن بۇزۋدىڭ 405 جاعدايى تٸركەلدٸ», - دەيدٸ سقو پد جەرگٸلٸكتٸ پوليتسييا قىزمەتٸ باسقارماسىنىڭ تابيعاتتى قورعاۋ پوليتسيياسى توبىنىڭ اعا ينسپەكتورى اسحات قوجاباەۆ.
