Soltústik Qazaqstan oblysynda koronavirýspen aýyrǵandardyń ár ekinshisi infektsiiany úide, otbasylyq merekelerde juqtyrǵan, dep habarlaidy "Ult aqparat".
SQO óńirlik kommýnikatsiialar qyzmetiniń uiymdastyrýymen aimaqtaǵy KVI boiynsha jaǵdaiǵa bailanysty baspasóz máslihaty ótti.
SQO Sanitariialyq-epidemiologiialyq baqylaý departamenti basshysynyń mindetin atqarýshy Arman Kúshbasovtyń aitýynsha, koronavirýspen aýyrǵandardyń 50 % infektsiiany úide juqtyrǵan.
«Jumys ornynda, kásiporyndarda infektsiiany juqtyrý jaǵdailary sirek. Qazir turǵyndar negizinen virýsty úide bir-birine juqtyryp jatyr. Onyń sebebi – kisi kóp shoǵyrlanǵan jerlerde bolady, qoǵamdyq kólikterde júredi. Sondai-aq 10-15 adamnan jinalyp, úide otbasylyq merekelerdi atap ótedi. Mundai jerlerde maska taqpaityny belgili. Bireýi túshkiredi, bireýi jóteledi. Osylaisha qalǵandaryna juqtyrady», - deidi oblystyń bas sanitariialyq dárigeri.
2 jeltoqsan boiynsha SQO-da COVID-19 juqtyrǵan 97 adam anyqtaldy. Onyń 56-sy Petropavlda, 16-sy Qyzyljar aýdanynda tirkeldi.
Jalpy SQO-da KVI juqtyrýdyń 6713 jaǵdaiy tirkelgen. Onyń 4 myńnan astamynda aýrý belgileri bolǵan. Jalpy syrqattanǵandardyń 62% meditsinalyq qyzmetkerlerge aýyryp júgingen.
