Soltústik Qazaqstan oblysynda koronavirýs infektsiiasyn juqtyrýshylardyń qatary ósip keledi, tek ótken táýlikte KVI-men aýyrǵan 57 adam anyqtaldy, dep habarlaidy "Ult aqparat".
SQO sanitariialyq-epidemiologiialyq baqylaý departamentiniń málimetinshe, óńir aýmaǵynda ótken táýlikte koronavirýs infektsiiasyn juqtyrýdyń 57 jaǵdaiy tirkeldi. Onyń 38-inde naýqastar dárigerlerge aýyryp qaralǵan. Virýsty juqtyrýdan Petropavl qalasy birinshi orynda keledi – 47 jaǵdai anyqtalǵan. Taǵy tórteýi Esil aýdanynda, úsheýi Qyzyljar aýdanynda, eki jaǵdai Mamliýt aýdany men bir jaǵdai Aqqaiyń aýdanynda tirkeldi.
Oblysta PTR zertteý júrgizetin 4 zerthana jumys isteidi. Pandemiia bastalǵaly oblys boiynsha KVI-ǵa 145,5 myńǵa jýyq zertteý júrgizilgen. Onyń 5039 jaǵdaiynda, iaǵni 3,4% oń nátije kórsetken. Ótken táýlikte PTR ádisimen 622 zertteý júrgizildi.
SQO densaýlyq saqtaý basqarmasynyń málimetinshe, jalpy óńirde koronavirýsty juqtyrýdyń 5046 jaǵdaiy tirkeldi. 4298 adam táýir bolyp, 25 adam kóz jumdy. Qazir 22 adam aýyr halde jatyr.
Infektsiialyq statsionarlarda 360 oryn bolsa, sonyń 38% ǵana tolyq. Karantin statsionarynda 42 kereýet bolsa, onyń 15% ǵana naýqastar em alyp jatyr.
