Soltústik Qazaqstan oblysynda búgin anyqtalǵan eki naýqas óńirge Reseidiń Túmen qalasynan kelgen, dep habarlaidy "Ult aqparat".
Memlekettik komissiianyń shuǵyl shtabynan alynǵan málimetke qaraǵanda, virýsty juqtyrǵandar Qazaqstannyń 1997 jáne 2001 jyly týǵan azamattary. Reseidiń Túmen qalasynan elge Mamliýt aýdanyndaǵy Jańajol beketi arqyly ótken. Olar birden COVID-19-ǵa tekserilip, Mamliýtka qalasynyń karantindik statsionaryna oqshaýlandy.
Zerthanalyq zertteý nátijelerin alǵannan keiin virýsty juqtyrǵandar Birinshi qalalyq aýrýhananyń juqpaly aýrýlar bólimshesine ornalastyryldy. Mamandardyń aitýynsha, naýqastarda aýrýdyń klinikalyq belgileri joq.
Qazir olarmen bailanysta bolǵan adamdardyń sany anyqtalyp jatyr. Epidemiologiialyq tekserý jalǵasýda.
11 mamyrdaǵy jaǵdai boiynsha SQO aýmaǵynda COVID-19 virýsyn juqtyrýdyń 36 jaǵdaiy tirkelgen, onyń ishinde juqtyrǵan bir adam turǵylyqty jerine - Kókshetaý qalasyna em alýǵa jiberildi.
SQO Densaýlyq saqtaý basqarmasy baspasóz qyzmetiniń málimetinshe, búginde juqpaly aýrýlar bóliminde 6 naýqas em alyp jatyr. Provizorlyq statsionarda – 31, karantindik statsionarda 61 adam oqshaýlanǵan. Al úi karantininde 434 adam otyr.
