سولتٷستٸك قازاقستان وبلىسىندا بٷگٸن انىقتالعان ەكٸ ناۋقاس ٶڭٸرگە رەسەيدٸڭ تٷمەن قالاسىنان كەلگەن, دەپ حابارلايدى "ۇلت اقپارات".
مەملەكەتتٸك كوميسسييانىڭ شۇعىل شتابىنان الىنعان مەلٸمەتكە قاراعاندا, ۆيرۋستى جۇقتىرعاندار قازاقستاننىڭ 1997 جەنە 2001 جىلى تۋعان ازاماتتارى. رەسەيدٸڭ تٷمەن قالاسىنان ەلگە مامليۋت اۋدانىنداعى جاڭاجول بەكەتٸ ارقىلى ٶتكەن. ولار بٸردەن COVID-19-عا تەكسەرٸلٸپ, مامليۋتكا قالاسىنىڭ كارانتيندٸك ستاتسيونارىنا وقشاۋلاندى.
زەرتحانالىق زەرتتەۋ نەتيجەلەرٸن العاننان كەيٸن ۆيرۋستى جۇقتىرعاندار بٸرٸنشٸ قالالىق اۋرۋحانانىڭ جۇقپالى اۋرۋلار بٶلٸمشەسٸنە ورنالاستىرىلدى. مامانداردىڭ ايتۋىنشا, ناۋقاستاردا اۋرۋدىڭ كلينيكالىق بەلگٸلەرٸ جوق.
قازٸر ولارمەن بايلانىستا بولعان ادامداردىڭ سانى انىقتالىپ جاتىر. ەپيدەميولوگييالىق تەكسەرۋ جالعاسۋدا.
11 مامىرداعى جاعداي بويىنشا سقو اۋماعىندا COVID-19 ۆيرۋسىن جۇقتىرۋدىڭ 36 جاعدايى تٸركەلگەن, ونىڭ ٸشٸندە جۇقتىرعان بٸر ادام تۇرعىلىقتى جەرٸنە - كٶكشەتاۋ قالاسىنا ەم الۋعا جٸبەرٸلدٸ.
سقو دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, بٷگٸندە جۇقپالى اۋرۋلار بٶلٸمٸندە 6 ناۋقاس ەم الىپ جاتىر. پروۆيزورلىق ستاتسيوناردا – 31, كارانتيندٸك ستاتسيوناردا 61 ادام وقشاۋلانعان. ال ٷي كارانتينٸندە 434 ادام وتىر.
