Foto: kazgazeta.kz
Memleketke qaitarylǵan aktivter esebinen áleýmettik jobalardy iske asyrý máseleleri Bas Prokýrordyń jeke baqylaýynda.
2025 jylǵy 4 maýsymda Soltústik Qazaqstan oblysy prokýrorynyń birinshi orynbasary Abý-Ali Sattar ákimdik ókilderimen birlesip Petropavl qalasynda balabaqsha qurylysyn tekserdi.
Obekt prokýratýra organdary qaitarǵan aktivter esebinen salynady. Jobanyń jalpy somasy 1,9 mlrd teńgeni quraidy.
Balabaqsha 280 orynǵa eseptelgen, bul kezektilikti qysqartady jáne balalardy oqytý men damytý úshin zamanaýi jaǵdailar jasaidy.
Búgingi tańda jumystar 40 paiyzǵa aiaqtaldy. Nysandy tapsyrý aǵymdaǵy jyldyń jeltoqsan aiyna josparlanǵan.
Soltústik Qazaqstan oblysy boiynsha barlyǵy qaitarylǵan aktivter esebinen 33 joba iske asyrylýda.
Áleýmettik nysandardyń qurylysy - bul óńirdiń damýyna jáne bolashaq urpaqtyń ál-aýqatyna qosqan úlesi.
