Soltústik Qazaqstan oblysynda karantin bastalǵaly tiisti talapty oryndamaǵandarǵa 87,7 mln teńgeniń aiyppuly salyndy, dep habarlaidy "Ult aqparat".
SQO Sanitariialyq-epidemiologiialyq baqylaý departamenti baspasóz qyzmetiniń málimetinshe, óńirde karantin bastalǵaly ákimshilik quqyqbuzýshylyq týraly 1566 hattama toltyryldy. Onyń basym bóligi – 1441-i jeke tulǵalarǵa qatysty. Budan basqa 123 kásipkerlik sýbektisine jáne 2 laýazymdy tulǵa jaýapqa tartyldy. Jalpy salynǵan aiyppuldyń mólsheri – 87,7 mln teńge.
«Sanitariialyq dárigerler qazir tekseriske shyqpaidy. Quramynda tártip saqshylary men prokýratýra ókilderi bar monitoringtik toptar jumysyn toqtatqan joq. Olar qoǵamdyq oryndardy, dúkender men saýda nysandaryn, jalpy adam kóp shoǵyrlanǵan jerlerdi nazarǵa alǵan. Aiyppul negizinen maska taqpaǵandarǵa, qolǵap kimegenderge salynady», - deidi baspasóz qyzmetiniń mamandary.
SQO koronavirýs infektsiiasynyń taralýy boiynsha «qyzyl aimaqqa» kirgen. Respýblika boiynsha qazir Pavlodar oblysynan keiin ekinshi tur. Ótken táýlikte óńirde PTR ádisimen 1208 zertteý júrgizildi. Nátijesinde KVI juqtyrýdyń jańa 75 jaǵdaiy tirkeldi. Onyń 46-sy Petropavlda anyqtalǵan.
Búginde oblysta qaýipti infektsiiany juqtyrǵandar sany 7089-ǵa jetti.
