Soltústik Qazaqstan oblysynda shaǵyn ózenderdiń sý deńgeii túsip, Esil ózeniniń sýy kóterilip keledi, dep habarlaidy "Ult aqparat".
«Qazgidromet» RMM SQO filialynyń málimetinshe, Esil ózeninde ornalasqan baqylaý pýnktteriniń barlyǵynda sý deńgeiiniń kóterilgendigi tirkeldi. Al oǵan quiatyn shaǵyn ózenderde, Gýsakovka eldi mekeni mańyndaǵy Babyqburlyq ózenin eseptemegende, kerisinshe, sý deńgeii túsip jatyr. Máselen, Kovylnoe aýylynyń mańyndaǵy Aqanburlyq ózeni bir táýlikte 62 sm-ge, Rýzaevka eldi mekeni mańyndaǵy Sharyq ózeni – 71 sm-ge azaidy.
Al Esil ózeni Pokrovka aýylynyń mańynda 131 sm-ke kóterilse, eń maksimaldy ózgeris Sergeevka qalasynyń mańynda 285 sm tirkeldi. Petropavldaǵy kórsetkish – 49 sm.
Óńirdegi Úlken Torańǵul kóliniń de tasý qaýpi bar. Ázirge ol bir táýlikte 12 sm-ge ózgergen. Muzy jarylyp jatyr. Kólge quiatyn Qamysaqty ózeniniń deńgeii kerisinshe 89 sm-ge tómendedi.
Sergeev sý qoimasy eki kúnnen beri asyp-tógilip jatyr. Bir táýlikte erneýden tógilý deńgeii 119 sm-ge jetti.
