سولتٷستٸك قازاقستان وبلىسىندا شاعىن ٶزەندەردٸڭ سۋ دەڭگەيٸ تٷسٸپ, ەسٸل ٶزەنٸنٸڭ سۋى كٶتەرٸلٸپ كەلەدٸ, دەپ حابارلايدى "ۇلت اقپارات".
«قازگيدرومەت» رمم سقو فيليالىنىڭ مەلٸمەتٸنشە, ەسٸل ٶزەنٸندە ورنالاسقان باقىلاۋ پۋنكتتەرٸنٸڭ بارلىعىندا سۋ دەڭگەيٸنٸڭ كٶتەرٸلگەندٸگٸ تٸركەلدٸ. ال وعان قۇياتىن شاعىن ٶزەندەردە, گۋساكوۆكا ەلدٸ مەكەنٸ ماڭىنداعى بابىقبۇرلىق ٶزەنٸن ەسەپتەمەگەندە, كەرٸسٸنشە, سۋ دەڭگەيٸ تٷسٸپ جاتىر. مەسەلەن, كوۆىلنوە اۋىلىنىڭ ماڭىنداعى اقانبۇرلىق ٶزەنٸ بٸر تەۋلٸكتە 62 سم-گە, رۋزاەۆكا ەلدٸ مەكەنٸ ماڭىنداعى شارىق ٶزەنٸ – 71 سم-گە ازايدى.
ال ەسٸل ٶزەنٸ پوكروۆكا اۋىلىنىڭ ماڭىندا 131 سم-كە كٶتەرٸلسە, ەڭ ماكسيمالدى ٶزگەرٸس سەرگەەۆكا قالاسىنىڭ ماڭىندا 285 سم تٸركەلدٸ. پەتروپاۆلداعى كٶرسەتكٸش – 49 سم.
ٶڭٸردەگٸ ٷلكەن توراڭعۇل كٶلٸنٸڭ دە تاسۋ قاۋپٸ بار. ەزٸرگە ول بٸر تەۋلٸكتە 12 سم-گە ٶزگەرگەن. مۇزى جارىلىپ جاتىر. كٶلگە قۇياتىن قامىساقتى ٶزەنٸنٸڭ دەڭگەيٸ كەرٸسٸنشە 89 سم-گە تٶمەندەدٸ.
سەرگەەۆ سۋ قويماسى ەكٸ كٷننەن بەرٸ اسىپ-تٶگٸلٸپ جاتىر. بٸر تەۋلٸكتە ەرنەۋدەن تٶگٸلۋ دەڭگەيٸ 119 سم-گە جەتتٸ.
