Soltústik Qazaqstan oblysynda bas sanitariialyq dárigerdiń jańa qaýlysy shyqty, dep habarlaidy "Ult aqparat".
SQO-nyń bas sanitariialyq dárigeri Serikbai Qasmaqasovtyń jańa qaýlysyna sáikes dúkender men saýda ortalyqtarynyń jumysy saǵat 23.00-ge deiin uzartyldy.
Qoǵamdyq kólikterge qoiylatyn talaptarda ózgeris bar. Budan bylai qala ishindegi avtobýstar kondýktorlarsyz jumys istei almaidy. Sondai-aq qarbalas sátte qosymsha kólikter shyǵarylmaq. Óitkeni júrgizýshiler jolaýshylardy oryn sanyna qarai ǵana ala alady. Dúisenbi men juma aralyǵynda saǵat 06.30-dan 22.00-ge deiin júretin kólikter demalys kúnderi jumysyn ýaqytsha toqtatady.
Týrizm nysandary, meimanhanalar, demalys úileri tek 80% ǵana tolyp, kelýshilerdi qabyldai alady.
Al bazarlar, 2 myń jáne odan da kóp sharshy metr aýmaqty alyp jatqan bólek turǵan saýda úileri, iri saýda-oiyn-saýyq keshenderi, áýejailar, temirjol vokzaldary monitoring tobynyń tekserisinen soń, nysannyń daiyndyǵyn baǵalaý aktisinen keiin ǵana jumysyn jandandyra alady.
Demalys kúnderi karantindik shekteýler qatańdatylyp, azyq-túlik, qurylys dúkenderi men dárihanalardan basqasy jumysyn toqtatpaq.
Oblystyń bas sanitariialyq dárigeri áli kúnge deiin otbasylyq is-sharalardy – toi, qudalyq, batalardy ótkizýge tyiym salynǵanyn eskertedi.
Epidemiologiialyq ahýal nasharlaǵan jaǵdaida qaita karantindik shekeýler kúsheitilmek.
Aita keteiik, SQO-da 21 tamyzdaǵy jaǵdai boiynsha koronavirýs juqtyrýdyń 3822 deregi tirkeldi. 2737 adam - 71% táýir bolyp, 19 adam kóz jumdy.
