سولتٷستٸك قازاقستان وبلىسىندا باس سانيتارييالىق دەرٸگەردٸڭ جاڭا قاۋلىسى شىقتى, دەپ حابارلايدى "ۇلت اقپارات".
سقو-نىڭ باس سانيتارييالىق دەرٸگەرٸ سەرٸكباي قاسماقاسوۆتىڭ جاڭا قاۋلىسىنا سەيكەس دٷكەندەر مەن ساۋدا ورتالىقتارىنىڭ جۇمىسى ساعات 23.00-گە دەيٸن ۇزارتىلدى.
قوعامدىق كٶلٸكتەرگە قويىلاتىن تالاپتاردا ٶزگەرٸس بار. بۇدان بىلاي قالا ٸشٸندەگٸ اۆتوبۋستار كوندۋكتورلارسىز جۇمىس ٸستەي المايدى. سونداي-اق قاربالاس سەتتە قوسىمشا كٶلٸكتەر شىعارىلماق. ٶيتكەنٸ جٷرگٸزۋشٸلەر جولاۋشىلاردى ورىن سانىنا قاراي عانا الا الادى. دٷيسەنبٸ مەن جۇما ارالىعىندا ساعات 06.30-دان 22.00-گە دەيٸن جٷرەتٸن كٶلٸكتەر دەمالىس كٷندەرٸ جۇمىسىن ۋاقىتشا توقتاتادى.
تۋريزم نىساندارى, مەيمانحانالار, دەمالىس ٷيلەرٸ تەك 80% عانا تولىپ, كەلۋشٸلەردٸ قابىلداي الادى.
ال بازارلار, 2 مىڭ جەنە ودان دا كٶپ شارشى مەتر اۋماقتى الىپ جاتقان بٶلەك تۇرعان ساۋدا ٷيلەرٸ, ٸرٸ ساۋدا-ويىن-ساۋىق كەشەندەرٸ, ەۋەجايلار, تەمٸرجول ۆوكزالدارى مونيتورينگ توبىنىڭ تەكسەرٸسٸنەن سوڭ, نىساننىڭ دايىندىعىن باعالاۋ اكتٸسٸنەن كەيٸن عانا جۇمىسىن جانداندىرا الادى.
دەمالىس كٷندەرٸ كارانتيندٸك شەكتەۋلەر قاتاڭداتىلىپ, ازىق-تٷلٸك, قۇرىلىس دٷكەندەرٸ مەن دەرٸحانالاردان باسقاسى جۇمىسىن توقتاتپاق.
وبلىستىڭ باس سانيتارييالىق دەرٸگەرٸ ەلٸ كٷنگە دەيٸن وتباسىلىق ٸس-شارالاردى – توي, قۇدالىق, باتالاردى ٶتكٸزۋگە تىيىم سالىنعانىن ەسكەرتەدٸ.
ەپيدەميولوگييالىق احۋال ناشارلاعان جاعدايدا قايتا كارانتيندٸك شەكەۋلەر كٷشەيتٸلمەك.
ايتا كەتەيٸك, سقو-دا 21 تامىزداعى جاعداي بويىنشا كوروناۆيرۋس جۇقتىرۋدىڭ 3822 دەرەگٸ تٸركەلدٸ. 2737 ادام - 71% تەۋٸر بولىپ, 19 ادام كٶز جۇمدى.
