Soltústik Qazaqstan oblysynda koronavirýs boiynsha epidemiologiialyq jaǵdaidyń jaqsarýyna bailanysty alty aýyl men Mamliýtka qalasynan karantin alyndy, dep habarlaidy "Ult aqparat".
SQO Sanitariialyq-epidemiologiialyq baqylaý departamenti baspasóz qyzmetiniń málimetinshe, 1 jeltoqsanda oblys aýmaǵynda KVI juqtyrýdyń 107 jaǵdaiy tirkelgen. Bir aptaǵa jýyq bul kórsetkish óńirde bir qalypty ustalyp tur. Infektsiia juqtyrǵandardyń basym bóligi – Petropavl turǵyndary.
COVID-19 virýsyn juqtyrǵandardyń artýyna bailanysty Petropavl qalasynan basqa 5 aýdandaǵy 8 eldimeken karantinge jabylǵan. Olar: Esil aýdanyndaǵy Nikolaevka, Petrovka eldimekenderi, Qyzyljar aýdanyndaǵy Beskól aýyly, M.Jumabaev aýdanynyń ortalyǵy – Býlaev qalasy, Taiynsha aýdanynyń ortalyǵy – Taiynsha qalasy jáne Ýálihanov aýdanynyń ortalyǵy – Kishkenekól aýyly.
Al buǵan deiin jabylǵan alty aýyl, bir qalada karantindik shekteýlerdiń nátijesinde epidjaǵdai túzelip, blokposttar alyndy.
«Buǵan deiin jabylǵan Aqjar aýdanynyń Gorkovskoe aýyly, Aqqaiyń aýdanynyń Smirnov aýyly, Esil aýdanynyń Iavlenka, Pokrovka, Chirikovka jáne Korneevka aýyldary, sondai-aq Mamliýtka qalasy aýrýdyń bolmaýyna bailanysty karantinnen alyndy», - deidi sanitariialyq dárigerler.
Jalpy oblysta 171242 adamǵa PTR zertteý júrgizildi, onyń 3,8 % - 6616 naýqasta nátije oń boldy. Búginde SQO-da koronavirýsty juqtyrýdyń 6616 jaǵdaiy tirkelgen.
