Soltústik Qazaqstan oblysynda koronavirýstyń taralýyna bailanysty eki mektepte IV toqsan qashyqtan bastalýy múmkin, dep habarlaidy "Ult aqparat".
SQO bilim basqarmasynyń málimetinshe, óńirdegi Maǵjan Jumabaev, Taiynsha, Qyzyljar aýdandarynda jáne Petropavlda 8 oqýshy koronavirýs juqtyrǵan.
Qaýipti infektsiia 5 muǵalimnen anyqtaldy. Olar - Timiriazev, Esil, Aiyrtaý aýdandarynyń jáne Petropavl qalasynyń ustazdary.
«KVI-diń taralýyna bailanysty óńirdegi eki mektep IV toqsandy qashyqtan bastaýy múmkin. Qyzyljar aýdanyndaǵy Vagýlino orta mektebinde 11 naýryzdan bastap shekteý sharalary engizildi. Toqsan bastalǵansha jaǵdai túzelmese oqýshylar bilimdi qashyqtan alady. Al ekinshisi - M.Jumabaev aýdanyndaǵy Medvejinskoe orta mektebi», - deidi Gúlmira Kárimova.
Tórinshi toqsannan bastap SQO mektepteri aralas oqý formatyna kóshedi.
Epidemiologiialyq ahýal únemi nazarda bolmaq. Muǵalim nemese oqýshy aýyrǵan jaǵdaida oqý formaty ózgertilip, synyp karantinge ketedi.
Al mekteptiń birneshe synybynda aýrý oshaǵy tabylatyn bolsa, bilim ordasy qashyqtan oqýǵa kóshiriledi.
«Balalar arasynda da, ustazdar arasynda da qazir aýyrǵandar az. Oqýshylar kóbine eresekterden, ata-analary men týystarynan juqtyrady. Ári qarai taramaýy úshin birden shara qoldanyp, karantinge jiberemiz. Bul óz nátijesin berip jatyr», - deidi SQO bilim basqarmasynyń jetekshisi Gúlmira Kárimova.
