سولتٷستٸك قازاقستان وبلىسىندا كوروناۆيرۋستىڭ تارالۋىنا بايلانىستى ەكٸ مەكتەپتە IV توقسان قاشىقتان باستالۋى مٷمكٸن, دەپ حابارلايدى "ۇلت اقپارات".
سقو بٸلٸم باسقارماسىنىڭ مەلٸمەتٸنشە, ٶڭٸردەگٸ ماعجان جۇماباەۆ, تايىنشا, قىزىلجار اۋداندارىندا جەنە پەتروپاۆلدا 8 وقۋشى كوروناۆيرۋس جۇقتىرعان.
قاۋٸپتٸ ينفەكتسييا 5 مۇعالٸمنەن انىقتالدى. ولار - تيميريازەۆ, ەسٸل, ايىرتاۋ اۋداندارىنىڭ جەنە پەتروپاۆل قالاسىنىڭ ۇستازدارى.
«كۆي-دٸڭ تارالۋىنا بايلانىستى ٶڭٸردەگٸ ەكٸ مەكتەپ ٸV توقساندى قاشىقتان باستاۋى مٷمكٸن. قىزىلجار اۋدانىنداعى ۆاگۋلينو ورتا مەكتەبٸندە 11 ناۋرىزدان باستاپ شەكتەۋ شارالارى ەنگٸزٸلدٸ. توقسان باستالعانشا جاعداي تٷزەلمەسە وقۋشىلار بٸلٸمدٸ قاشىقتان الادى. ال ەكٸنشٸسٸ - م.جۇماباەۆ اۋدانىنداعى مەدۆەجينسكوە ورتا مەكتەبٸ», - دەيدٸ گٷلميرا كەرٸموۆا.
تٶرٸنشٸ توقساننان باستاپ سقو مەكتەپتەرٸ ارالاس وقۋ فورماتىنا كٶشەدٸ.
ەپيدەميولوگييالىق احۋال ٷنەمٸ نازاردا بولماق. مۇعالٸم نەمەسە وقۋشى اۋىرعان جاعدايدا وقۋ فورماتى ٶزگەرتٸلٸپ, سىنىپ كارانتينگە كەتەدٸ.
ال مەكتەپتٸڭ بٸرنەشە سىنىبىندا اۋرۋ وشاعى تابىلاتىن بولسا, بٸلٸم ورداسى قاشىقتان وقۋعا كٶشٸرٸلەدٸ.
«بالالار اراسىندا دا, ۇستازدار اراسىندا دا قازٸر اۋىرعاندار از. وقۋشىلار كٶبٸنە ەرەسەكتەردەن, اتا-انالارى مەن تۋىستارىنان جۇقتىرادى. ەرٸ قاراي تاراماۋى ٷشٸن بٸردەن شارا قولدانىپ, كارانتينگە جٸبەرەمٸز. بۇل ٶز نەتيجەسٸن بەرٸپ جاتىر», - دەيدٸ سقو بٸلٸم باسقارماسىنىڭ جەتەكشٸسٸ گٷلميرا كەرٸموۆا.
