Soltústik Qazaqstan oblysynda jańa oqý jyly bastalǵaly 30 oqýshydan koronavirýs infektsiiasy anyqtaldy, dep habarlaidy "Ult aqparat".
SQO Taýarlar men kórsetiletin qyzmetterdiń sapasy men qaýipsizdigin baqylaý departamenti meditsinalyq kómektiń sapasy men táýekelderin baǵalaý bóliminiń basshysy Arman Kúshbasov brifingide 30 oqýshy koronavirýspen aýyrǵanyn atap ótti.
«15 bala kezekshi synyptarǵa barǵan, qalǵan 15-i qashyqtan bilim alady. Olardyń barlyǵy, sonymen birge balalarmen bailanysta bolǵandar tekserildi. Oqýshylar arasynda synybymen aýyrǵandar joq. Kezekshi synyptar karantinge jabylǵan joq», - deidi Arman Kúshbasov.
Mamannyń aitýynsha, ujymda, sonyń ishinde balabaqsha tobynda KVI juqtyrý anyqtalǵan jaǵdaida, onymen jaqyn bailanysta bolǵandardyń barlyǵy tekseriledi.
«Balabaqshada tárbieshi men kútýshiden basqa eshkimniń topqa kirýge quqy joq. Juqtyrǵan adam anyqtalǵan jaǵdaida, barlyǵy karantinge ketedi. Jaqyn bailanysta bolǵandar biri qalmai tekseriledi. Balabaqshada bolsa toptyń tárbielenýshileri, kútýshi, tárbieshi jáne balalardyń ata-analary da tekseriledi», - deidi sanitariialyq dáriger.
