Petropavl qalasyndaǵy 15 balanyń anasy Tatiana Kýltysheva 8 naýryz merekesi qarsańynda syi-qurmetke bólendi, dep habarlaidy "Ult aqparat".
«Aýyl» halyqtyq-demokratiialyq patriottyq partiiasynyń SQO filialy Petropavldaǵy Kýltyshevter otbasyna arnaiy baryp, osy shańyraqtyń názik jandaryn Halyqaralyq áielder kúnimen quttyqtady. Olar syi-siiapattaryn da ala kelipti. Tatianaǵa kúndelikti turmysta asa qajet tehnikany syilap, qyzdarǵa táttini úlestirdi.
Tatiana Kýltysheva 7 qyz, 8 uldy dúniege ákelgen batyr ana. Tuńǵyshy 18 jasqa tolsa, kenjesi – 9 ailyq qana.
«Osyndai batyr analardy erekshe qasterleý kerek. Sonda ǵana bizdiń elimiz, jerimiz kórkeiedi. Bizdiń Qazaqstan - erekshe memleket. Sebebi, kóp ult meken etken. Kóp ultty elde barlyǵy da bir otbasyndai turyp jatyr. Tatiananyń júregi tolǵan imandylyq. Júzinen meiirim tógilip tur. Balalary tárbieli, tártipti. Bul shańyraqqa tek baqyt tileimin», - dedi «Aýyl» halyqtyq-demokratiialyq patriottyq partiiasy SQO filialynyń tóraǵasy Temirǵali Ábilmájinov.
Berekeli shańyraqta qonaqtardy keń dastarhan jaiyp qarsy aldy.
«Barlyq qurby-sińlilerime, qyz-kelinshekterge áiel baqytyn tileimin. Balalaryńyz kóp bolsyn. Meniń barym da, bailyǵym da – balalarym. Olardyń barlyǵyn birdei jaqsy kóremin, bólip, jarmaimyn. Qiynshylyqtar bolyp jatady. Biraq ol mańyzdy emes», - deidi Tatiana Kýltysheva.
Esterińizde bolsa, 15 balany dúniege ákelgen erli-zaiypty Kýltyshevtar jaiynda buǵan deiin aitqan edik. Jaqynda otbasynda taǵy bir náreste dúniege kelmek.
