Soltústik Qazaqstan oblysynda áýe reisteriniń sany artady. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Azamattyq aviatsiia salasynda Soltústik Qazaqstan oblysynda 2025 jylǵa deiin jolaýshylar aǵynyn jylyna 40 800 adamǵa deiin jetkizýdi josparlap otyrmyz. Óńirdegi iskerlik belsendilikti damytýdy yntalandyrý maqsatynda sýbsidiialanatyn aviareisterdiń sany aiyna 16-dan 68-ge deiin ulǵaitylatyn bolady. Bul sharalar áýejai qyzmetin shyǵynsyzdyqqa shyǵarýǵa, sondai-aq azamattardyń eldiń iskerlik jáne ákimshilik ortalyqtarymen bailanysyn qamtamasyz etýge múmkindik beredi», - dedi ministr.
Onyń aitýynsha, qurylys jáne kommýnaldyq-sharýashylyq salasynda «Nurly jer» memlekettik baǵdarlamasy aiasynda 2025 jylǵa deiin Soltústik Qazaqstan oblysynda 2,3 mln sharshy metr nemese 21,7 myń baspana salý josparlanyp otyr. Onyń ishinde memlekettik qarajat esebinen 10 myńnan astam otbasy áleýmettik turǵyn úimen qamtamasyz etiledi.
