Foto: Tengrinews.kz/Turar Qazanǵapov
Soltústik Qazaqstan oblysynyń ákimi Qumar Aqsaqalov Petropavl qalasynyń ataýyn Qyzyljar dep ózgertý týraly suraqqa jaýap berdi, - dep habarlaidy Tengrinews.kz.
OKQ brifingi kezinde jýrnalisterdiń suraqtaryna jaýap bergen Aqsaqalov keiingi jyldary oblys ortalyǵynda 400-den asa ataý ózgergenin atap ótti.
"Buǵan birneshe ret jaýap berdim, sondyqtan bul suraq ázirshe kún tártibinde joq. (...) Keiingi jyldary, meniń oiymsha, 400-den asa ataý ózgerdi, onyń ishinde kósheler, eldi mekender bar. Bul jumys ári qarai da júrgiziledi. Nelikten ekeni túsinikti. Olar moraldyq turǵydan eskirgendikten, onyń ideologiialyq astary joq. Bul - qalypty jaǵdai. Eshqandai qýlyq joq. Bul - tarihshylardyń, ólketanýshylardyń zertteýine negizdelgen tarihi shyndyq. Qoǵamdyq tyńdalymdar ótkiziledi, barlyǵy zań boiynsha júrip jatyr", - dep túsindirdi Qumar Aqsaqalov.
2021 jyly SQO ákimi Petropavldyń ataýyn ózgertý týraly qaýesetke qatysty pikir bildirgen edi. Al 2018 jyly ákim Petropavldyń ataýyn ózgertý týraly máselege áli erte ekenin aitqan edi.
"Petropavl men oblystyń ataýyn ózgertý týraly áńgimelerdi jii estimin, keibireýler osy týraly aitady, ony estimin. Biraq qazir qala ataýyn ózgertýge qatysty jumystar júrgizilmeidi, áli erte dep sanaimyn", - dedi Qumar Aqsaqalov.
