فوتو: Tengrinews.kz/تۇرار قازانعاپوۆ
سولتٷستٸك قازاقستان وبلىسىنىڭ ەكٸمٸ قۇمار اقساقالوۆ پەتروپاۆل قالاسىنىڭ اتاۋىن قىزىلجار دەپ ٶزگەرتۋ تۋرالى سۇراققا جاۋاپ بەردٸ, - دەپ حابارلايدى Tengrinews.kz.
وكق بريفينگٸ كەزٸندە جۋرناليستەردٸڭ سۇراقتارىنا جاۋاپ بەرگەن اقساقالوۆ كەيٸنگٸ جىلدارى وبلىس ورتالىعىندا 400-دەن اسا اتاۋ ٶزگەرگەنٸن اتاپ ٶتتٸ.
"بۇعان بٸرنەشە رەت جاۋاپ بەردٸم, سوندىقتان بۇل سۇراق ەزٸرشە كٷن تەرتٸبٸندە جوق. (...) كەيٸنگٸ جىلدارى, مەنٸڭ ويىمشا, 400-دەن اسا اتاۋ ٶزگەردٸ, ونىڭ ٸشٸندە كٶشەلەر, ەلدٸ مەكەندەر بار. بۇل جۇمىس ەرٸ قاراي دا جٷرگٸزٸلەدٸ. نەلٸكتەن ەكەنٸ تٷسٸنٸكتٸ. ولار مورالدىق تۇرعىدان ەسكٸرگەندٸكتەن, ونىڭ يدەولوگييالىق استارى جوق. بۇل - قالىپتى جاعداي. ەشقانداي قۋلىق جوق. بۇل - تاريحشىلاردىڭ, ٶلكەتانۋشىلاردىڭ زەرتتەۋٸنە نەگٸزدەلگەن تاريحي شىندىق. قوعامدىق تىڭدالىمدار ٶتكٸزٸلەدٸ, بارلىعى زاڭ بويىنشا جٷرٸپ جاتىر", - دەپ تٷسٸندٸردٸ قۇمار اقساقالوۆ.
2021 جىلى سقو ەكٸمٸ پەتروپاۆلدىڭ اتاۋىن ٶزگەرتۋ تۋرالى قاۋەسەتكە قاتىستى پٸكٸر بٸلدٸرگەن ەدٸ. ال 2018 جىلى ەكٸم پەتروپاۆلدىڭ اتاۋىن ٶزگەرتۋ تۋرالى مەسەلەگە ەلٸ ەرتە ەكەنٸن ايتقان ەدٸ.
"پەتروپاۆل مەن وبلىستىڭ اتاۋىن ٶزگەرتۋ تۋرالى ەڭگٸمەلەردٸ جيٸ ەستيمٸن, كەيبٸرەۋلەر وسى تۋرالى ايتادى, ونى ەستيمٸن. بٸراق قازٸر قالا اتاۋىن ٶزگەرتۋگە قاتىستى جۇمىستار جٷرگٸزٸلمەيدٸ, ەلٸ ەرتە دەپ سانايمىن", - دەدٸ قۇمار اقساقالوۆ.
