Soltústik Qazaqstan oblysynda Sybailas jemqorlyqqa qarsy qyzmet Aiyrtaý aýdanyndaǵy aýyl joldarynyń birine asfalttiń qar ústine tóselgenin anyqtady, dep habarlaidy "Ult aqparat".
Sybailas jemqorlyqqa qarsy qyzmettiń málimetinshe, Aiyrtaý aýdanyndaǵy Kamennyi Brod eldi mekenine jol tóseýde tiisti tehnologiia saqtalmaǵan. Iaǵni «Komplekt-Aziia-Servis» JShS asfalt tóseý jumystaryn -15 gradýs aiazda istegen. Sonyń saldarynan material jerge tóselgenge deiin qatyp qalǵan.
SQO ákimdiginde qar ústine asfalt tóseý jaǵdaiy boiynsha túsinik berdi.
«Aiyrtaý aýdany Kamennyi Brod eldi mekeni mańyndaǵy jol ýchaskesinde barlyq tiisti jumystar belgilengen merzimde, temperatýralyq rejimdi jáne qurylys talaptary saqtala otyra atqaryldy. Budan basqa «Komplekt-Aziia-Servis» JShS smetalyq qujattan bólek, óz qarajatyna kelisilgen ýchaskeden basqa joldardaǵy jáne onyń jiegindegi shuńqyrlardy eski asfaltpen japty. Monitoringtik top osy joldardy baiqap, eskertý jasaǵan. Kelisim boiynsha merdiger kompaniia salynǵan jolǵa eki jylǵa kepildik mindetteme berdi», - deidi oblystyq ákimdiktegiler.
