Qazaqstan Respýblikasy Premer-Ministriniń orynbasary Roman Skliar nemis kompaniialarynyń basshylarymen kezekti onlain-kezdesý ótkizdi, dep habarlaidy primeminister.kz.
Kezdesý taqyryby qorshaǵan ortany qorǵaý jáne sý resýrstary salasyndaǵy ekijaqty ekonomikalyq jobalar boldy. Nemis tarapynan Germaniia ekonomikasynyń Shyǵys komitetiniń tóraǵasy Oliver Germes jáne Germaniia Federativtik Respýblikasynyń Syrtqy ister ministrliginiń Memlekettik hatshysy Berger Migel qatysty.
Onlain-kezdesýge Siemens, BASF, Henkel AG & Co. KgaA, WILO SE, LLP C. Spaarmann, Becker Mining Europe GmbH, Svevind Energy GmbH, Robert Bosch siiaqty 100-ge jýyq jetekshi nemis kompaniialary qatysty.
Óz sózinde Roman Skliar ónerkásiptik óndiris, mashina jasaý, energetika, jańartylatyn energiia kózderi jáne t.b. salalardaǵy birlesken jobalardy iske asyrý máselelerindegi tabysty yntymaqtastyqty atap ótti, sondai-aq qazaqstandyq taraptyń ekologiia jáne tabiǵi resýrstar máseleleri boiynsha yntymaqtastyqty jolǵa qoiýǵa daiyn ekendigin bildirdi.
Nemis kompaniialary klimattyń ózgerýine qarsy kúres, qaldyqtardy joiý, Aral teńiziniń qurǵaýyna bailanysty ekologiialyq apatpen kúresý, sondai-aq aýyz sýmen qamtamasyz etý sekildi salalarda yntymaqtastyq ornatýǵa shaqyryldy. Kezdesý sońynda pikirtalas ótti, onda qatysýshylar atalǵan máselelerdi iske asyrý sharalaryn talqylady.
