Forbes jýrnaly álemniń eń kóp aqy tólenetin aktrisalarynyń reitingin jariialady, dep habarlaidy "Ult aqparat".
Reiting boiynsha Skarlet Iohansson lider atandy.
Sarapshylardyń derekterine sáikes, ol 2018 jyldyń 1 maýsymynan 2019 jyldyń 1 maýsymyna deiin $56 mln tabys tapqan.
Aktrisaǵa eń basty kiris Marvel kinokompaniiasynan buiyrdy.
Atap aitqanda, Skarlet Iohansson qomaqty somany óziniń «Qara jesir» filminen tapty, al «Kekshilder» filmindegi róli úshin $35 mln gonorar aldy.
Sondai-aq, tizimge Sofiia Vergara ($44,1 mln), Riz Ýizerspýn ($35 mln), Nikol Kidman ($34 mln), Djennifer Eniston ($28 mln) jáne Keili Kýoko ($25 mln) endi.
Alǵash ret reitingke ótken jyly ekinshi oryn alǵan Andjelina Djoli, Djýliia Roberts, Keit Blanshett jáne Djennifer Loýrens kirmei qaldy.
Olardyń ornyn Elizabet Moss ($24 mln) jáne Margo Robbi ($23,5 mln) toltyrdy. Ondyqqa Sharliz Teron ($23 mln) jáne Ellen Pompeo ($22 mln) da endi.
Eske sala ketsek, 21 tamyzda Forbes jylsaiynǵy álemniń eń kóp aqy tólenetin akterler tizimin jariialaǵan edi. Dýein Djonson biylǵy jylǵy eń bai akter atandy.
