QR Premer-Ministri Asqar Mamin Eýropalyq qaita qurý jáne damý bankiniń (EQQDB) prezidenti Odil Reno-Bassomen kelissóz júrgizdi, dep habarlaidy primeminister.kz.
«EQQDB-nyń Qazaqstandaǵy jumysy kezeńinde jalpy somasy $9,4 mlrd asatyn 280 joba qarjylandyryldy, onyń 66%-y – jekemenshik sektorda. Investitsiialar infraqurylym, energetika, aýyl sharýashylyǵy, IT, qarjy, TKSh, sondai-aq shaǵyn jáne orta biznesti qoldaý tárizdi ekonomikanyń basymdyqty salalarynda jobalardy júzege asyrýǵa baǵyttaldy» , — dedi A. Mamin.
Taraptar Qazaqstannyń energetikalyq sektoryn dekarbonizatsiialaý baǵdarlamasyn, EQQDB-nyń «Jasyl qalalar» baǵdarlamasyn iske asyrý, kárizdik tazartý qurylystaryn jańǵyrtý, sondai-aq shaǵyn jáne orta biznesti damytý máselelerin talqylady.
Úlken Almaty ainalma avtomobil jolyn (ÚAAAJ), Almaty qalasynda S.D. Asfendiiarov atyndaǵy aýrýhanany jáne memlekettik-jekemenshik áriptestik sheńberinde basqa da densaýlyq saqtaý nysandaryn salý jobalaryna erekshe nazar aýdaryldy.
Kelissóz qorytyndysy boiynsha ulttyq ekonomika ministri Áset Erǵaliev pen EQQDB-nyń Qazaqstan boiynsha basshysy Agris Preimanis QR Úkimeti men EQQDB arasyndaǵy eldiń ornyqty damýy men ósýine járdemdesýge baǵyttalǵan yntymaqtastyqty keńeitý boiynsha áriptestik týraly negizdemelik kelisimge qol qoidy.
Qujat zamanaýi energiia tiimdi jáne resýrs únemdeitin tehnologiialardy engizý, venchýrlyq qarjylandyrýdy damytý arqyly innovatsiialar men tsifrlandyrýǵa járdemdesý, MJÁ-niń quqyqtyq jáne institýtsionaldyq bazasyn nyǵaitý, kólik jáne turǵyn úi-kommýnaldyq infraqurylymynda qarjylyq jáne ekologiialyq turaqtylyqqa qol jetkizý jáne ózara is-qimyldyń basqa da aspektileri esebinen jeke sektordy qoldaý, QR ekonomikasyna tikelei sheteldik investitsiialardy tartý, jasyl ekonomikany damytý máselelerin qamtidy.
