Úkimet otyrysynda Ekibastuz qalasynyń 2025 jylǵa deiingi keshendi damý jospary qabyldandy. Pavlodar oblysynyń ákimi Ábilqaiyr Sqaqovtyń aitýy boiynsha qujat 114 is-sharadan turatyn tórt negizgi blokqa bólingen, dep habarlaidy QazAqparat.
KDJ-yń negizgi tarmaǵynyń biri jeke investorlar úshin indýstriialyq aimaq qurý bolyp tabylady. Aita ketý kerek, jergilikti bilik jospardy júzege asyrýda jeke investitsiialarǵa úmit artyp otyr. KDJ-ǵy jeke investitsiialar úlesi 90%-ǵa jýyq.
«Alaida, Ekibastuzdyń keshendi damýy tek qana jańa óndiristerdiń iske qosylýyn bildirmeidi. Áleýmettik salada da mańyzdy máseleler bar. Olardy óńir qarajaty esebinen sheshý josparlanyp otyr. Densaýlyq saqatý salasyndaǵy eki iri jobalar pýly kadrlyq áleýetti arttyrý jáne materialdyq-tehnikalyq bazany jaqsartýǵa bailanysty. Atap aitqanda, qalalyq emhanany jańǵyrtý josparlanyp otyr», - dedi Sqaqov.
Bilim berý salasynda barlyq mektepterge kúrdeli jóndeý júrgizý men bala baqshany rekonstrýktsiialaý josparlanyp otyr. 700-den astam balany qamtityn shyǵarmashylyq ortalyǵynyń qurylysy bastalady dep kútilýde.
«Qosymsha bilim berýdi damytý dene tárbiesi men sport salasynda da júrgiziledi. Muz aidyny men 30 sport alańyn salý josparlanýda. Bunyń bári dene tárbiesimen ainalysatyn ekibastuzdyqtardyń sanyn 40%-ǵa arttyrýǵa múmkindik beredi. Mádeniet salasyna keler bolsaq, munda da sala nysandarynyń kúrdeli jóndeýi men qurylysy kútilýde, sondai-aq, Ekibastuzdyń aýyldyq aimaǵynda mádeniet úileri boi kóteredi», - dep habarlady Pavlodar oblysynyń ákimi Ábilqaiyr Sqaqov.
Ekibastuzdyń keshendi damý jospary QR Prezidentiniń tapsyrmasy boiynsha qurastyryldy. Jospardyń negizgi mindetteri – qalanyń otyn-energetika kesheninen táýeldiliginen aryltý jáne ekonomikany dekarbonizatsiialaý. Jospardy talqylaýǵa qala turǵyndary men táýelsiz sarapshylar qatysyp, olardyń usynystary qujatqa engizildi.
KDJ-yn júzege asyrýdan kútiletin áser - 700 milliard teńgeden astam investitsiialardyń quiylýy, ónerkásip óndirisiniń kóleminiń deńgeii 1 trillion teńgege deiin ulǵaiýy, ShOB sýbektileriniń sanynyń 10 myńǵa deiin artýy, 16,5 myń jańa jumys oryndarynyń qurylýy jáne t.b.
