Melanoma dertine shaldyqqandarǵa arnalǵan onkologiialyq dári «Dabrafenibtiń» naýqastarǵa jetpei qalý sebebin «SK-Farmatsiia» biryńǵai distribiýter jaýap berdi, dep habarlaidy QazAqparat.
«Dabrafenib» preparatyna keletin bolsaq, ol biryńǵai distribiýtor tizimine tek 2019 jyldyń sáýirinde engizildi. Bul, emdeýdiń jańa túri jáne memleket atalmysh emdeý túrin onkologiialyq naýqastardy dárimen qamtý aiasyn keńeitý sheńberinde ótken jyldyń sáýirinde engizdi. Sáikesinshe, biz ony 2019 jyldyń maýsym aiynan bastap satyp aldyq jáne preparat respýblika boiynsha jetkizile bastady«, - dedi búgin Qazmediada jýrnalisterge arnalǵan brifingte «SK-Farmatsiia» tóraǵasynyń mindetin atqarýshy Berik Shárip.
Ol biyl dárini satyp alý boiynsha shveitsariialyq Novartis kompaniiasymen kelisimshartqa otyrǵandaryn aitty.
«Kelisimshartqa otyrý ońai bolǵan joq. Dári-dármekter Shveitsariiadan tikelei jetkiziledi dep keliskenbiz. Aitarlyqtai úlken bógelis bolǵan joq. Sebebi bir jyldan ekinshi jylǵa ótý kezinde irkilis bolýy múmkindigin esepke ala otyryp, jeltoqsan aiynda dáriler qoryn jasap qoidyq. Onymen qańtarda qamtamasyz ettik. Degenmen, azdaǵan keshigý bolyp, atalǵan preparat qańtar aiynyń sońynda jetkizildi», - dedi ol.
Berik Shárip atap ótkendei, kez kelgen dári-dármek jetkizilgen kezde, onyń qaýipsizdigin Ulttyq dárilik zattardy saraptaý ortalyǵy mindetti túrde tekseredi.
«Biz jetkizilgen preparattyń sapasy men qaýipsizdigin tekserýimiz qajet edi. Sertifikat berilgennen keiin atalǵan preparatty respýblika boiynsha tarattyq. 6 qańtar kúni bul dári Qazaqstan boiynsha barlyq naýqastarǵa berile bastady», - deidi ol.
