Oral soty Siriiadan qutqarylǵan 19 jastaǵy qazaqstandyqty segiz jylǵa bas bostandyǵynan aiyrdy. Jigitke terrorlyq uiymdarǵa qatysty degen aiyp taǵylǵan.
Jigittiń ata-anasy jasóspirim kúninde Siriiaǵa alyp ketken, dep jazady «Ýralskaia nedelia». Qyzyl Krest qyzmetkerleri tutqynnan bosatqan soń, 2019 jyldyń qańtarynda Qazaqstanǵa oralypty.
Týǵan qalasyna kele salysymen quqyq qorǵaý organdary jigitti ýaqytsha ustaý abaqtysyna qamap, qylmystyq is qozǵady. Tergeý málimetinshe, ol tyiym salynǵan IG* uiymynyń operatsiialaryna qatysqan.
«Sot er adamdy Qylmystyq kodekstiń 257-baby 2-bólimine (Terrorlyq uiymdarǵa qatysý) sáikes aiypty dep tanydy jáne segiz jylǵa bas bostandyǵynan aiyrý jazasyna kesti» dep sýdia Náila Júnisova úkimdi oqydy.
Qazir sottalǵan jigittiń otbasy da Qazaqstanda. Ákesi terrorizm jáne ekstremizm úshin aiyptalyp, qylmystyq jaýapkershilikke tartylyp jatyr.
