Siriiada qoldan jasalǵan jarylǵysh zat jarylyp, general-maior ataǵy bar áskeri keńesshi qaza tapty, eki adam jaralandy. Bul týraly seisenbi kúni jýrnalisterge Resei qorǵanys ministrliginiń baspasóz qyzmeti habarlady.
TASS agenttiginiń habarlaýynsha, 18 tamyzda Deir-ez-Zor qalasynan 15 shaqyrym jerdegi aýmaqta gýmanitarlyq aktsiia ótkizgen reseilik avtokolonna qaityp kele jatqan shaqta jolda jarylǵysh zat jarylǵan. Reseidik úsh sarbazy jaraqattanǵan, bireýi qaza bolǵan.
Keibir aqparat quraldarynyń jazýynsha, qaza tapqan general-maiordyń aty-jóni Viacheslav Gladkih, 36-shy jalpy áskeri armiia komandiriniń orynbasary qyzmetin atqarǵan.
Resei qorǵanys ministri Sergei Shoigý qaza tapqan Gladkihti memlekettik nagradaǵa usyndy.
