Elordada Siriia boiynsha Astana protsesiniń kezekti 14-raýndy aiaqtaldy, dep habarlaidy QazAqparat.
«Qazaqstan Respýblikasynyń Tuńǵysh Prezidenti - Elbasy Nursultan Nazarbaevtyń úzdiksiz qoldaýymen júzege asyrylyp kele jatqan Siriia boiynsha Astana protsesiniń kezekti 14-raýndy aiaqtaldy. Sońǵy 2 kún ishinde kelissózge qatysýshylar Siriiadaǵy jaǵdaidy odan ary turaqtandyrýǵa jáne ondaǵy gýmanitarlyq jaǵdaidy jaqsartýǵa baǵyttalǵan asa mańyzdy ári mazmundy kelissózder ótkizdi», - dedi kelissózderdiń kezekti raýndyn qorytyndylaǵan QR Syrtqy ister ministriniń birinshi orynbasary Shahrat Nuryshev.
Onyń atap ótýinshe, kelissózderdiń bul jolǵy raýndy Astana protsesiniń mańyzdylyǵyn taǵy bir márte dáleldep, kóptegen ózekti máselelerde naqty nátijelerge qol jetkizildi.
«Búgingi kelissózderdiń barlyq taraptary osynaý nátijege úles qosty», - dep atap ótti ol.
Osydan keiin Shahrat Nuryshev kepilger elder Iran, Resei, Túrkiianyń birlesken málimdemesin jariia etti. Birlesken málimdeme 14 tarmaqtan turady.
