Siriia boiynsha 18-shi halyqaralyq kezdesýdiń qorytyndysyna orai Iran, Resei jáne Túrkiia ókilderiniń birlesken málimdemesinde aitylǵan, dep habarlaidy QazAqparat.
«Astana formatyndaǵy kepil elder retinde Iran Islam Respýblikasynyń, Resei Federatsiiasynyń jáne Túrkiia Respýblikasynyń ókilderi: Siriia Arab Respýblikasynyń egemendigine, táýelsizdigine, birligine jáne aýmaqtyq tutastyǵyna, sondai-aq BUU Jarǵysynyń maqsattary men qaǵidattaryna ózderiniń myzǵymas adaldyqtaryn qýattady jáne bul qaǵidattardy jalpyǵa birdei saqtaý jáne qurmetteý qajet ekenin basa aitty. Biz álemdegi jáne aimaqtaǵy jaǵdaidyń damýyn qarastyryp, Siriia daǵdarysyn turaqty retteýdi qamtamasyz etýdegi Astana protsesiniń jetekshi rólin atap óttik. Olar terrorizmniń barlyq nysandary men kórinisterimen kúresý jáne Siriianyń egemendigi men aýmaqtyq tutastyǵyna nuqsan keltirýge baǵyttalǵan jáne kórshiles elderdiń ulttyq qaýipsizdigine qater tóndiretin separatistik josparlarǵa qarsy turý maqsatynda yntymaqtastyqty jalǵastyrýǵa bel bailaityndyqtaryn bildirdi», delingen málimdemede.
Sonymen qatar kepilger elder Siriianyń ártúrli aimaqtaryndaǵy lańkestik árekettiń barlyq túrin aiyptady. DAISh, Djabhat an-Nýsra jáne «Ál-Kaidamen» nemese DAISh-pen bailanysty barlyq basqa tulǵalardy, toptardy, kásiporyndar men uiymdardy jáne BUU Qaýipsizdik Keńesi osyndai dep tanyǵan basqa da lańkestik toptardy túpkilikti joiý maqsatynda odan ári yntymaqtastyq qajettigin qýattady.
«Biz Idlib deeskalatsiia aimaǵyndaǵy jaǵdaidy egjei-tegjeili qarastyrdyq jáne onyń ainalasyndaǵy, onyń ishinde gýmanitarlyq jaǵdaidy turaqty qalypqa keltirý úshin odan ári kúsh salýǵa kelistik. Idlib boiynsha barlyq qoldanystaǵy kelisimderdi tolyq oryndaý arqyly «jerdegi» tynyshtyqty saqtaý qajettigin atap óttik. Biz SAR-dyń soltústik-shyǵysyndaǵy jaǵdaidy talqyladyq jáne bul aimaqta turaqty qaýipsizdik pen turaqtylyqqa qol jetkizý Siriianyń egemendigi men aýmaqtyq tutastyǵyn saqtaý negizinde ǵana múmkin bolatynyna kelistik. Terrorizmge qarsy kúres syltaýymen ózin-ózi basqarýdyń zańsyz bastamalaryn qosa alǵanda, «jerde» jańa shyndyqtardy qurý áreketteriniń barlyǵyn joqqa shyǵardyq. Siriianyń birligine nuqsan keltirýge jáne kórshiles elderdiń ulttyq qaýipsizdigine qater tóndirýge baǵyttalǵan Evfrat ózenindegi separatistik josparlarǵa qarsy turýǵa bel bailaǵandaryn bildirdik. Osyǵan bailanysty separatistik toptardyń Evfrat ózeniniń shyǵysyndaǵy beibit turǵyndarǵa qarsy soǵys qimyldarynyń kúsheiýine jáne qýdalaýdyń barlyq túrlerine qatysty eleýli alańdaýshylyq bildirdik» - dep atap ótedi kepilger elder.
