«Qazgidromet» RMK aýa raiyna bailanysty Qazaqstannyń birneshe oblysynda eskertý jariialady, dep habarlaidy "Ult aqparat".
Sinoptikterdiń aqparaty boiynsha, 17 shildede kúndiz Qyzylorda oblysynyń basym bóliginde 42 gradýsqa deiin ystyq bolady.
17 shilde kúni Túrkistan oblysynyń kei jerlerinde shyǵystan 15-20 m/s ekpinde jel soǵyp, shańdy daýyl turýy yqtimal. Kúndiz jekelegen aýmaqtarda +40 gradýsqa deiin ystyq bolýy múmkin.
17 shilde kúni kúndiz Qostanai oblysynda aýa temperatýrasy 35 gradýsqa deiin kóteriledi.
17 shilde kúni Atyraý oblysynda kei jerlerde kún kúrkirep, shańdy daýyl kóteriledi, 15-20 metr jyldamdyqpen jel soǵady. Kúndiz kei jerlerde 38 gradýs ystyq saqtalady.
17-18 shilde kúnderi Batys Qazaqstan oblysynyń kei aýmaqtarynda naizaǵai jarqyldap, jeldiń ekpini 15-20 m/s-qa deiin jetedi. Kúndiz kei jerlerde kenetten katty daýyl turyp, burshaq jaýýy yqtimal.
Oral qalasynda 17 shildede naizaǵai oinap, jeldiń ekpini 18 m/s-qa deiin jetedi, kúndiz qatty daýyl soǵyp, burshaq jaýýy múmkin.
