«Qazgidromet» RMK aýa raiyna bailanysty 13 óńirde eskertý jariialady, dep habarlaidy "Ult aqparat".
Atap aitqanda, Nur-Sultan qalasynda naizaǵai oinap, ońtústik-batystan soqqan jeldiń ekpini sekýndyna 15-20 metrge jetedi.
Aqmola oblysynyń kei jerlerinde naizaǵai kútiledi. Ońtústik-batystan soqqan jel sekýndyna 15-20 metrge deiin kúsheiedi. Kókshetaýda kei ýaqytta naizaǵai oinaidy.
17 jáne 18 tamyzda Aqtóbe oblysynyń kei jerlerinde naizaǵai oinap, daýyl soǵady, kúndiz burshaq jaýýy múmkin. Batystan, soltústik-batystan soqqan jel kúndiz kei jerlerde sekýndyna 15-20 metrge deiin artady. Aqtóbe qalasynda kúndiz naizaǵai kútiledi.
Kúndiz Atyraý oblysynyń kei jerlerinde shańdy daýyl turady. Batystan, soltústik-batystan soqqan jel kúndiz kei jerlerde sekýndyna 15-20 metrge jetedi. Atyraý qalasynda batys, soltústik-batystan jel soǵady, kúndiz jeldiń ekpini – 18 m/s.
17 jáne 18 tamyzda Jambyl oblysynyń kei jerlerinde naizaǵai oinap, daýyl turady, burshaq jaýady. Ońtústik-batystan soltústik-batysqa aýysqan jeldiń jyldamdyǵy – 15-20 m/s. Taraz qalasynda 17 jáne 18 tamyz kúnderi kei ýaqytta naizaǵai oinap, daýyl soǵady, ońtústik-batystan soltústik-batysqa aýysqan jeldiń ekpini sekýndyna 15-20 metrge deiin jetedi dep kútilýde.
Batys Qazaqstan oblysynyń soltústiginde kún kúrkirep, burshaq jaýýy múmkin. Kúndiz kei jerlerde soltústik-batystan soqqan jeldiń jyldamdyǵy sekýndyna 15-20 metrge jetedi. Túnde Oral qalasynda naizaǵai oinaidy. Kúndiz soltústik-batystan soqqan jeldiń kúshi sekýndyna 18 metrge artady.
17 jáne 18 tamyzda Qaraǵandy oblysynyń kei jerlerinde naizaǵai oinap, daýyl turady, burshaq jaýyp, tuman túsedi dep kútiledi. Ońtústik-batystan, batystan soǵatyn jel sekýndyna 15-20 metrge deiin kúsheiedi. Sondai-aq tótenshe órt qaýpi aimaqtyń ońtústiginde saqtalady. Túnde Qaraǵandy qalasynda naizaǵai boljanady. Ońtústik-batystan, batystan soqqan jeldiń ekpini sekýndyna 15-20 metrge jetedi. Jezqazǵan qalasynda 17 tamyzda kúndiz ońtústik-batystan, batystan soǵatyn jeldiń ekpini sekýndyna 18 metrge kúsheiedi.
Qostanai oblysynyń kei jerlerinde naizaǵai oinap, tuman túsedi, daýyl soǵyp, burshaq jaýatyny kútilýde. Ońtústik-batystan soqqan jel sekýndyna 15-20 metrge deiin kúsheiedi. Qostanai qalasynda tańerteń jáne kúndiz kún kúrkirese, túnde jáne tańerteń tuman túsýi yqtimal.
Kúndiz Qyzylorda oblysynda batys, soltústik-batystan kei jerlerde sekýndyna 15-20 metrge deiin jel soǵady. Kúndiz tótenshe órt qaýpi saqtalady.
Mańǵystaý oblysynyń kei jerlerinde naizaǵai oinaýy múmkin. Soltústik-batystan soqqan jel kúndiz kei jerlerde sekýndyna 15-20 metrge deiin kúsheiedi.
Pavlodar oblysynyń kei jerlerinde naizaǵai oinap, burshaq jaýýy yqtimal. Naizaǵai kezinde ońtústikten soǵatyn jeldiń ekpini sekýndyna 15-20 metrge jetedi.
Soltústik Qazaqstan oblysynyń kei jerlerinde naizaǵai kútiledi. Kúndiz kei jerlerde daýyl soǵypǵ burshaqjaýýy múmkin. Túnde jáne tańerteń kei jerlerde tuman túsedi. Kei jerlerde ońtústik-shyǵystan ońtústik-batysqa soqqan jel sekýndyna 15-20 metrge deiin kúsheiedi. Petropavlda kún kúrkireidi. Kúndiz ońtústik-shyǵystan ońtústik-batysqa aýysqan jeldiń ekpini sekýndyna 15-20 metrge jetedi.
Túrkistan oblysynyń kei jerlerinde naizaǵai, batystan sekýndyna 15-20 metr jyldamdyqpen soǵatyn jel boljanady. Kei jerlerde tótenshe órt qaýpi saqtalady.
