«Qazgidromet» RMK aýa raiynyń qolaisyzdyǵyna bailanysty birneshe óńirde eskertý jariialady, dep habarlaidy QazAqparat.
Atap aitqanda, 7-9 qańtarda Nur-Sultan qalasynda jaýyn-shashyn (jańbyr, qar), kóktaiǵaq, tuman kútiledi. 7-inshi jáne 9 aqpanda jaiaý burqasyn boljanady. 7-8 aqpanda ońtústik-batystan soǵatyn jel soltústik-batysqa aýysyp, kúshi 15-20 m/s artady. 8 aqpanda jeldiń ekpini 23 m/s kúsheiedi.
7 aqpanda Batys Qazaqstan oblysynyń kei jerlerinde jaýyn-shashyn, tuman, kóktaiǵaq kútiledi. Oral qalasynda sondai-aq tuman, kóktaiǵaq boljanady.
8 aqpanda Qostanai jáne Soltústik Qazaqstan oblystarynda jaýyn-shashyn (jańbyr, qar), kóktaiǵaq, burqasyn bolady. Ońtústik-batystan soǵatyn jel soltústik-batysqa aýysyp, ekpini 23-28 m/s jetýi yqtimal.
Aqtóbe oblysynda jaýyn-shashyn (jańbyr, qar), kóktaiǵaq, burqasyn kútiledi. Ońtústik-batystan soǵatyn jel soltústik-batysqa aýysady, kúshi 15-20 m/s quraidy.
8-9 aqpan kúnderi atalǵan óńirlerde túnde aýa temperatýrasy -10-20 gradýsqa kúrt tómendeidi.
7-9 aqpan aralyǵynda Aqmola oblysynyń kei jerlerinde jaýyn-shashyn (jańbyr, qar), tuman, kóktaiǵaq, burqasyn boljanady. Ońtústik-batystan soǵatyn jeldiń kúshi 15-20 m/s, ekpini 23 m/s bolady. 8 aqpanda jeldiń jyldamdyǵy 23-28 m/s artýy múmkin.
Eske salaiyq, keshe sinoptikter 11 óńirde aýa raiy buzylatynyn habarlaǵan bolatyn.
