Sinoptikter erteń, 30 mamyrda qai óńirlerde daýyl turatynyn aitty, - dep habarlaidy "Ult aqparat" "Qazgidromet" RMK ókilderine silteme jasap.
Sinoptikterdiń málimetinshe, 30 mamyrda Soltústik Qazaqstan oblysy boiynsha soltústikten soǵatyn jeldiń kúshi túnde kei jerlerde 15-20 m/s, kúndiz kóptegen jerinde 15-20, kei jerlerde ekpini 23-28 m/s kútiledi. Túnde kei jerlerde jaýyn-shashyn, kúndiz kei jerlerde jańbyr. Kei jerlerde naizaǵai, daýyl, tuman, burshaq jaýy múmkin. Túnde 3 gradýs úsik te kútiledi.
Petropavlda da kúndiz 30 mamyrda soltústikten soǵatyn jeldiń kúshi 15-20, ekpini 25 m/s kútiledi. Túnde topyraq betinde 3 gradýs úsik kútiledi.
30 mamyrda Jambyl oblysynda jel ońtústik-batys, batystan 15-20 m/s, kei jerlerde ekpini 23-28 m/s, oblystyń ońtústik-batysynda 30 m/s jáne odan da asa kútiledi. Kúndiz kei jerlerinde naizaǵai, daýyl bolady, burshaq bolýy múmkin.
Taraz qalasynda 30 mamyrda ońtústik-batys, batystan soǵatyn jeldiń ekpini 15-20 m/s, kei ýaqytta 23-28 m/s kútiledi.
30 mamyrda kúndiz Qaraǵandy oblysynda jel ońtústik-batystan 15-20 m/s, kei jerlerde 23-28 m/s, kei ýaqytta ekpini 30 m/s deiin kútiledi. Kei jerlerde naizaǵai, daýyl bolady, burshaq bolýy múmkin.
30 mamyrda kúndiz Qyzylorda oblysynda jel soltústik-batystan 15-20 m/s, kei jerlerde 23-28 m/s, kei ýaqytta ekpini 30 m/s. Kei jerlerde naizaǵai, daýyl kútiledi.
Shyǵys Qazaqstan oblysynda jel ońtústik, ońtústik-batystan túnde kei jerlerde 15-20 m/s, kúndiz 15-20 m/s kei jerlerde 23-28, ekpini 30 m/s. Kei jerlerde naizaǵai, daýyl bolady, burshaq bolýy múmkin.
Óskemende 30 mamyrda jel 17-22 m/s-qa kúsheiedi.
Sondai-aq, Qostanai oblysynyń kei jerlerinde naizaǵai, daýyl, burshaq kútiledi, soltústik-batystan soǵatyn jeldiń kúshi 15-20 m/s. Túnde kei jerlerinde 2 gradýsqa deiin úsik kútiledi.
