Қазақстан Тәуелсіздігіне 25 жыл

Sinoptikter birneshe óńirde eskertý jariialady

Sinoptikter birneshe óńirde eskertý jariialady

Aýa raiynyń buzylýyna bailanysty 26 aqpan kúnge birneshe óńirde eskertý jariialandy, dep habarlaidy "Ult aqparat" «Qazgidromet» RMK-ǵa silteme jasap.

Atap aitqanda, Túrkistan oblysynyń kei jerlerinde jańbyr molynan jaýyp, naizaǵai oinaidy. Ońtústikten soqqan jel soltústik-batysqa aýysyp, ekpini 23-28 m/s jetýi múmkin.

Túrkistan qalasynda kúnniń ekinshi jartysynda nóserli jańbyr jaýyp, kúndiz jeldiń kúshi 25 m/s kúsheietini kútiledi.

Shymkent qalasynda kúnniń sońynda qatty jańbyr jaýyp, kúndiz ońtústikten soltústik-batysqa aýysatyn jeldiń jyldamdyǵy 25 m/s artýy yqtimal.

Qostanai oblysynda ońtústik-shyǵystan soǵatyn jel ońtústik-batysqa aýysyp, kúshi túnde kei jerlerde 15-20 m/s, kúndiz basym bóliginde 15-20, 23-28 m/s artady.

Qostanai qalasynda burqasyn, kóktaiǵaq kútiledi. Ońtústik-shyǵystan soǵatyn jel ońtústik-batysqa aýysady, kúndiz ekpini 15-20 m/s jetedi.

Aqmola oblysynyń ortalyǵy - Kókshetaý qalasynda tuman, kóktaiǵaq boljanady. Ońtústik-shyǵystan soǵatyn jel ońtústik-batysqa aýysady, tańerteń jáne kúndiz ekpini 15-20 m/s kúsheiedi.

Batys Qazaqstan oblysynyń kei jerlerinde tuman, kóktaiǵaq kútiledi. Soltústik-batystan soǵatyn jeldiń kúshi kúndiz kei jerlerde 15-20 m/s artady.

Oral qalasynda tuman, kóktaiǵaq, soltústik-batystan soǵatyn jeldiń jyldamdyǵy kúndiz 18 m/s jetýi yqtimal.