«Qazgidromet» RMK 20 aqpanda aýa raiynyń buzylýyna bailanysty birneshe óńirde eskertý jariialady, dep habarlaidy "Ult aqparat".
Almaty oblysynda jaýyn-shashyn bolady, kei jerlerde qatty jaýyn-shashyn (jańbyr, qar) kútiledi. Sondai-aq tuman, jaiaý burqasyn, kóktaiǵaq boljanady. Ońtústik-batystan soǵatyn jel soltústik-batysqa aýysyp, ekpini 23-28 m/s jetýi yqtimal. Kúndiz aýa temperatýrasy 11-16, kei jerlerde 1-6 gradýs jylydan 5-10 gradýs aiazǵa deiin tómendeidi.
Jambyl oblysynda jaýyn-shashyn, kei jerlerde qatty jaýyn-shashyn (jańbyr, qar) jaýady. Sonymen qatar, tuman, jaiaý burqasyn, kóktaiǵaq kútiledi. Ońtústik-batystan soǵatyn jel soltústik-batysqa aýysyp, ekpini 30 m/s jáne odan joǵary kóterilýi múmkin. Kúndiz aýa temperatýrasy 20-25, kei jerlerde 10-15, soltústikte 1-6 gradýs jylydan 5-10 gradýs aiazǵa deiin tómendeýi múmkin.
Túrkistan oblysynyń taýly aimaqtarda qatty qar jaýady. Kei jerlerde tuman, kóktaiǵaq kútiledi. Ońtústik-batystan soǵatyn jeldiń kúshi kei jerlerde 15-20 m/s, taýly aimaqtarda 30 m/s jáne odan joǵary bolatyny boljanady. Kúndiz aýa temperatýrasy - 21-26, kei jerlerde 11-16 gradýs jylydan 0-5 gradýs aiazǵa deiin tómendeýi yqtimal.
Qyzylorda, Batys Qazaqstan oblystarynyń kei jerlerinde tuman kútiledi.
Aqtóbe oblysynyń kei jerlerinde tuman, jaiaý burqasyn bolady. Ońtústik-batystan, batystan jel soǵady, kúndiz kei jerlerinde ekpini 18 m/s artady.
Qostanai oblysynyń kei jerlerinde jaiaý burqasyn, tuman kútiledi. Ońtústik-batystan jel soǵady, kúshi kúndiz kei jerlerde 15-20 m/s jetedi.
Kúndiz Soltústik Qazaqstan oblysynyń kei jerlerde jaiaý burqasyn kútiledi. Ońtústik-batystan jel soǵady, kúndiz kúshi kei jerlerde 15-20 m/s artady.
Shyǵys Qazaqstan oblysynda qar, kei jerlerde qatty qar jaýady. Sondai-aq burqasyn, kóktaiǵaq kútiledi. Ońtústik-batystan soǵatyn jel soltústik-shyǵysqa aýysady, kúshi kei jerlerde 15-20 m/s, 23-28 m/s artady. Aýa temperatýrasy 2-7 gradýs jyly, kei jerlerde 2-7 gradýs aiazdan 20-25 gradýs aiazǵa deiin kúrt tómendeidi.
Sondai-aq sinoptikter Túrkistan men Jambyl oblystarynda qatty jaýyn-shashynnyń boljamyna bailanysty 20 aqpanda taý bókterlerinde sý aǵyny bolyp, ózender arnalarynan asatynyn eskertýde.
