Aýa raiynyń buzylýyna bailanysty 5 oblysta eskertý jariialandy, dep habarlaidy "Ult aqparat".
Sinoptikterdiń málimetine sáikes, kúndiz 16 qyrkúiekte jáne táýlik boiy 17 qyrkúiek kúni Soltústik Qazaqstan oblysynyń kei jerlerinde naizaǵai oinap, daýyl turady. Túnde jáne tańerteń tuman kútiledi. Ońtústik-batystan 15-20 m/s ekpinmen soqqan jeldiń kúshi 23-28 m/s artady.
Petropavl qalasynda 16 qyrkúiek kúni kúndiz jáne 17 qyrkúiekte táýlik boiy ońtústik-batystan 15-20 m/s kúshpen jel soǵady. 17-si kúni jyldamdyǵy 23-28 m/s jetetini kútiledi.
Sondai-aq 16 qyrkúiekte tańerteń jáne kúndiz Qostanai oblysynda naizaǵai, burshaq boljanady. Ońtústik-batystan, batystan jel soǵady, kúshi kúndiz kei jerlerinde 15-20 m/s artady.
16 qyrkúiekte Qostanai qalasynda ońtústik-batystan, batystan 18 m/s jyldamdyqpen jel soǵady.
16 qyrkúiek kúni kúndiz Aqmola oblysynyń jekelegen aýmaqtarynda naizaǵai oinaidy. Ońtústik-batystan 15-20 m/s kúshpen jel soǵady.
Kókshetaý qalasynda jeldiń ekpini - 15 m/s bolady.
Osy kúni Aqtóbe oblysynyń kei jerlerinde ońtústik-batystan, batystan 18 m/s kúshpen jel soǵady.
Sonymen qatar, 15-17 qyrkúiek aralyǵynda Almaty oblysynyń taýly ózenderinde jaýyn-shashynnyń, kei jerlerde qatty jańbyrdyń kútilýine bailanysty sý deńgeii kóterilip, taý bókterinen sý aǵady.
