Aýa raiynyń buzylýyna bailanysty Astana qalasy men bes oblysta eskertý jariialandy, dep habarlaidy "Ult aqparat" «Qazgidromet» RMK-ǵa silteme jasap.
«31 mamyrda Aqmola, Soltústik Qazaqstan oblysynda ońtústik-batystan, batystan jeli soǵady. Onyń jyldamdyǵy 15-20 m/s, ekpini 23-28 m/s, kei jerlerde kúndiz 30 m/s bolýy yqtimal. Kei ýaqyttarda naizaǵai oinap, daýyl turady, burshaq jaýýy múmkin. Túnde jáne tańerteń tuman túsedi», - delingen habarlamada.
Astanada 31 mamyr kúni ońtústik-batystan, batystan soqqan jeldiń jyldamdyǵy 15-20 m/s, kei jerlerde 23-28 m/s bolady. Naizaǵai oinap, daýyl bolady, burshaq kútiledi. Túnde jáne tańerteń tuman túsedi.
Petropavlda 31 mamyrda ońtústik-batys jáne batystan jel turyp, onyń jyldamdyǵy 15-20 m/s, keide 23-28 m/s-ke deiin jetetini boljanady. Naizaǵai oinap, daýyl bolady, burshaq túsedi. Túnde jáne tańerteń tuman kútilýde. Daýyldyń yqtimaldyǵy - 85-95 %.
31 mamyrda Qyzylorda oblysynyń kei jerlerinde shańdy daýyl turyp, 15-20 m/s ekpinmen soǵatyn jeldiń jyldamdyǵy 23 m/s jetýi múmkin.
Sondai-aq Shyǵys Qazaqstan oblysy boiynsha 31 mamyrda túnde kei jerlerde 2 gradýsqa deiin úsik kútiledi. Kei jerlerde jańbyr jaýady. Oblys shyǵysyndaǵy taýlarda jaýyn-shashyn (jańbyr, qar aralas jańbyr), naizaǵai, daýyl, burshaq kútiledi. Jel 23-28 m/s deiin kúsheiýi múmkin.
Óskemen qalasynda osy kúni jańbyr, naizaǵai, kúndiz burshaq jaýýy yqtimal. Jeldiń ekpini 15-20 m/s artady.
31 mamyrda Qostanai oblysynyń kei jerlerinde naizaǵai, daýyl, burshaq kútiledi. Ońtústik-batystan soqqan jeldiń kúshi 15-20 m/s, kúndiz kei jerlerde 23-28 m/s bolady. Eskertýdiń yqtimaldyǵy 90-95 %.
