2-4 maýsym kúnderi Qazaqstan aýmaǵynyń basym bóliginde qolaisyz aýa raiy saqtalady, kei jerlerde kún kúrt sýytady, dep habarlaidy "Ult aqparat" Qazgidrometke silteme jasap.
Reseidiń eýropalyq bóliginen ylǵaldy sýyq aýa massasy kelgendikten, demalys kúnderi Qazaqstan aýmaǵynyń basym bóliginde qolaisyz aýa raiy saqtalady, jii jańbyr jaýyp, kún kúrkireidi, kúsheigen jeldiń arty daýylǵa ulasýy múmkin. Aýa temperatýrasy klimattyq normadan 3...5 gradýs tómendeidi, eldiń soltústigi men ortalyǵynda kún sýytýy yqtimal.
Al ońtústik oblystarda jazǵa maýsymǵa tán aýa raiy bolady. Iran aýmaǵynan jyljyǵan jyly aýa massalarynyń yqpalymen temperatýra 27-35 gradýsqa deiin kóterilip, kei jerlerde +38 gradýsqa jetedi.
