«Qazgidromet» RMK 29-31 naýryzǵa arnalǵan aýa raiy boljamyn jariialady, dep habarlaidy "Ult aqparat".
Sinoptikterdiń aitýynsha, tsiklondar men antitsiklondar Qazaqstan aýmaǵy arqyly jyldam ótýine bailanysty respýblikada qubylmaly aýa raiy saqtalady, jii jańbyr men qar jaýady.
Aldaǵy úsh kúnde Qazaqstan aýmaǵynyń basym bóliginde kún jaýyn-shashyndy bolyp, elimizdiń ońtústik jartysynda jańbyr jaýyp, naizaǵai oinaidy, soltústik bóliginde qar aralas jańbyr jaýyp, tuman túsedi, kóktaiǵaq bolady. Qazaqstannyń kóptegen óńirinde aýa temperatýrasy klimattyq normadan joǵary kúiinde qalady, tek soltústik aýdandarda normadan 2-3 gradýs tómen bolady.
