Kolsk túbeginiń tsiklonymen bailanysty týyndaǵan atmosferalyq fronttar Qazaqstan baǵytynda jyljyp keledi. Olardyń yqpalynan respýblikanyń kei jerlerinde ótkinshi jańbyr jaýyp, kún kúrkireidi, kún kúrkireý kezinde qarqyndy jel kúsheiip soǵady, dep habarlaidy "Ult aqparat" Qazgidrometke silteme jasap.
Aýa jylynady, temperatýra klimattyq normaǵa jýyq bolady. Kúndizgi temperatýra respýblikanyń soltústik jartysynda +25, +33 gradýsqa, ońtústik jartysynda +30, +35, al qiyr ońtústikte +40 gradýsqa deiin jetetin bolady.
Soltústik Qazaqstan oblysy boiynsha daýyldy eskertý jariialanǵan. 5 maýsymda (2018 j. 21 saǵ. 04 maýsymnan 21 saǵ. 05 maýsym aralyǵy) Soltústik Qazaqstan oblysy boiynsha ońtústik-batystan soǵatyn jeldiń kúshi 15-20 m/s, ekpini 23-28 m/s bolady degen boljam bar. Kei jerlerde naizaǵai, daýyl bolady, burshaq jaýýy yqtimal. Túnde jáne tańerteń kei jerlerde tuman.
Petropavl q: 5 maýsymda (2018 j. 21 saǵ. 04 maýsymnan 21 saǵ. 05 maýsym aralyǵy) ońtústik-batystan soǵatyn jeldiń kúshi 15-20 m/s, ekpini 23-28 m/s kútiledi. Naizaǵai, daýyl bolady, burshaq jaýýy múmkin.
