Qazgidromet aldaǵy úsh kúnge aýa raiy boljamyn usyndy, dep habarlaidy "Ult aqparat".
Qazaqstannyń soltústigindegi tsiklon jáne onymen bailanysty atmosferalyq fronttardyń yqpalynan kóptegen oblysta jańbyr jáne qar aralas jaýyn jaýyp, tuman jáne kóktaiǵaq bolady.
10 sáýirde batys aimaqtarǵa antitsiklon yǵysyp, onyń áserinen jaýyn-shashynsyz aýa-raiy ornaidy.
Ońtústik oblystarda dabyldy eskertý jariialanǵan. 10 sáýirde Qyzylorda, 9-11 sáýirde Ońtústik Qazaqstan oblysynyń kei jerinde túnde 1-3 gradýs úsik saqtalady, 11-12 sáýirde túnde Jambyl, Almaty oblysynda 5 gradýsqa deiin úsik júredi.
Aldaǵy úsh táýlikte Qazaqstanda aýa temperatýrasy ortasha kópjyldyq mánge jýyq bolady.
