Ótken demalys kúnderi jaýyn-shashyn túskenine qaramastan aýa raiy jyly bolǵan. Aýanyń temperatýrasy ońtústik-shyǵysta 3-8 gradýs jyly bolsa, shyǵysta eń joǵary temperatýra 14 gradýsqa jetti, dep habarlaidy Qazgidromet.
Alaida tsiklon men onymen birge Reseidiń ortalyq aýdandarynan Qazaqstannyń soltústik oblystaryna atmosferalyq aǵyndardyń kelýi bul óńirde jaýyn-shashynnyń túsýine yqpal etti.
Respýblika aýmaǵymen shyǵys baǵytqa jyljyǵan salqyn aǵyndar ózimen birge qar, burqasyn, kóktaiǵaq ákelip, batys jáne soltústik-batystan qatty jeldiń soǵýyna yqpal etedi.
Respýblikanyń ońtústik jáne ońtústik-batysynda jańbyr jaýyp, arty qarǵa ulasady. 31 qazan men 1 qarasha aralyǵynda taý eteginde jaýyn-shashyn túsip, Qazaqstannyń búkil aýmaǵynda kún qatty sýytady.
