Aýa raiynyń nasharlaýyna bailanysty birneshe óńirde eskertý jariialandy, dep habarlaidy "Ult aqparat" «Qazgidrometke» silteme jasap.
Atap aitqanda, 12-13 tamyz kúnderi Qaraǵandy oblysynyń kei jerlerinde naizaǵai, daýyl, burshaq kútiledi. Ońtústik-batystan, batystan jel soǵady, kúshi kei jerlerinde 15-20 m/s artady. Sondai-aq oblystyń ońtústiginde óte joǵary órt qaýpi saqtalady.
Qaraǵandy qalasynda naizaǵai, burshaq boljanady. Ońtústik-batystan, batystan jel soǵyp, kúndiz ekpini 18 m/s kúsheiedi.
12 tamyzda Aqmola oblysynda jańbyr jaýady. Kei jerlerde qatty nóser kútiledi. Jekelegen aýmaqtarda naizaǵai, daýyl, burshaq bolady. Ońtústik-batystan soǵatyn jel soltústik-batysqa aýysyp, kúshi 15-20 m/s jetedi.
Nur-Sultan qalasynda jańbyr jaýady. Kei jerlerde qatty jańbyr boljanady. Naizaǵai oinap, burshaq túsýi yqtimal. Ońtústik-batystan soǵatyn jel soltústik-batysqa aýysyp, jyldamdyǵy 15-20 m/s artady.
Mańǵystaý oblysynyń kei jerlerinde naiǵazai oinap, shańdy daýyl turady. Jel soltústik-batystan soǵady, kúshi kei jerlerde 15-20 m/s kútiledi.
Aqtaý qalasynda túnde jáne tańerteń naizaǵai kútiledi.
Shyǵys Qazaqstan oblysynda naizaǵai, daýyl, kúndiz burshaq kútiledi. Ońtústik-shyǵystan soqqan jel ońtústik-batysqa aýysyp, kúndiz ekpini 25 m/s jetýi múmkin.
Óskemen qalasynda naizaǵai oinaidy. Ońtústik-shyǵystan soqqan jel ońtústik-batysqa aýysyp, ekpini 15-20 m/s jetedi.
Semei qalasynda naizaǵai, kúndiz burshaq kútiledi. Ońtústik-shyǵystan soqqan jel ońtústik-batysqa aýysyp, ekpini 15-20 m/s bolady.
Soltústik Qazaqstan oblysynda jańbyr, kei jerlerde qatty jańbyr kútiledi. Kei jerlerde naizaǵai, daýyl, burshaq kútiledi. Soltústik-batystan jel soǵady kei jerlerde kúshi 15-20 m/s kútiledi.
Petropavl qalasynda naizaǵai kútiledi. Soltústik-batystan jel soǵady, kúndiz ekpini 15-20 m/s kútiledi.
Kúndiz Qyzylorda oblysynyń kei jerlerinde shańdy daýyl boljanady. Batystan, soltústik-batystan jel soǵady, kúndiz kúshi kei jerlerde 15-20 m/s. Kúndiz óte joǵary órt qaýpi saqtalady.
Qostanai oblysynyń kei jerlerde naizaǵai bolady. Túnde jáne tańerteń tuman kútiledi. Soltústik-batystan jel soǵady, kúshi kei jerlerde 18 m/s jetedi.
Qostanai qalasynda soltústik-batystan jel soǵady, kúndiz ekpini 18 m/s kútiledi.
