«Qazgidromet» RMK mamandary 29 maýsymǵa arnalǵan aýa raiy boljamyn jariia etti, dep habarlaidy "Ult aqparat".
Atmosferalyq fronttardyń ótýine bailanysty respýblikanyń basym bóliginde qubylmaly aýa-raiy saqtalady. Kún kúrkirep, jańbyr jaýady, jel kúsheiedi. Burshaq jaýýy yqtimal. Daýyl, shańdy daýyl turady. Soltústiktiń kei aimaqtaryna tuman túsedi.
Túrkistan oblysynyń kei jerlerinde daýyl, shańdy daýyl soǵady. Jel ekpini 15-20 m/s deiin kúsheiedi.
Qyzylorda oblysynyń kei jerlerinde jel 15-20, 25 m/s jyldamdyqpen esedi. Shańdy daýyl turýy múmkin.
Aqmola oblysynyń kei jerlerinde jel ekpini 15-20 m/s jetedi.
Soltústik Qazaqstan oblysynyń kei jerlerine túnde jáne tańerteń tuman túsedi.
Pavlodar oblysynyń kei jerlerinde daýyl turady. Jel qarqyny 15-20 m/s deiin kúsheiedi.
Qostanai oblysynyń kei jerlerine túnde tuman túsedi. Kúndiz jel ekpini - 15-20 m/s.
Qaraǵandy oblysynyń kei jerlerinde tuman túsip, daýyl soǵady. Jel jyldamdyǵy 15-20 m/s deiin kúsheiip, burshaq jaýýy múmkin.
Shyǵys Qazaqstan oblysynyń kei jerlerinde daýyl turady. Jel sekýndyna 15-20 metr jyldamdyqpen esedi. Burshaq jaýýy yqtimal.
Kúndiz Atyraý, Batys Qazaqstan oblystarynyń kei jerlerinde daýyl soǵady. Jel ekpini - 15-20 m/s.
Kúndiz Aqtóbe oblysynyń kei jerlerinde jel shańdy daýylmen qabattasyp, 15-20 m/s deiin kúsheiedi .
Kúndiz Atyraý oblysynyń kei jerlerinde kún qatty ysidy. Almaty, Qyzylorda, Aqtóbe, Shyǵys Qazaqstan oblystarynda, Túrkistan, Mańǵystaý oblystarynyń kei jerlerinde aptap ystyq bolady.
Qyzylorda, Túrkistan oblystarynda, Atyraý, Batys Qazaqstan, Aqtóbe oblystarynyń basym bóliginde, Qostanai, Qaraǵandy, Almaty, Jambyl oblystarynyń kei jerlerinde joǵary órt qaýpi saqtalady.
