Sinoptikter elimizdiń birqatar óńirinde aýa raiynyń qolaisyz bolatynyn eskertti, - dep habarlaidy "Ult aqparat" "Qazgidromet" ortalyǵyna silteme jasap.
Meteorologtardyń habarlaýynsha, Almaty, Aqmola, Atyraý, Batys Qazaqstan, Soltústik Qazaqstan, Qaraǵandy, Jambyl, Qyzylorda jáne Ońtústik Qazaqstan oblysynda aldaǵy táýlikterde aýa raiy qolaisyz bolady.
"5-7 naýryzda Almaty, Jambyl, Ońtústik Qazaqstan, Qyzylorda oblystarynda jaýyn-jashyn (jańbyr basym) bolady, kei jerlerde qatty jaýyn bolýy yqtimal. Osyǵan bailanysty, muzdyqtardyń álsireýi, jazyqtyq jerlerde erigen aǵynnyń jáne taýly ózenderde baýraily aǵynnyń paida bolýy kútiledi. Sý deńgeii kóterilip, jaiylmaǵa shyǵýy múmkin", - delingen habarlamada.
Conymen qatar, 5-6 naýryzda Atyraý, Batys Qazaqstan, Qaraǵandy, Aqmola, Soltústik Qazaqstan oblystarynda kúndizgi aýa temperatýrasynyń qysqa merzimdi joǵarylaýy, jaýyn-shashynnyń (qar, jańbyr), kei jerlerde qatty túsýine bailanysty jazyq aýdandarda qardyń erýi jáne erigen qar aǵynynyń paida bolýy kútiledi.
"6-7 naýryzda Soltústik Qazaqstan oblysynda jaýyn-shashyn (qar, jańbyr), kúndiz 6 naýryzda kei jerlerde qatty jaýyn-shashyn kútiledi. Kei jerlerde kóktaiǵaq, burqasyn, tuman bolady. Ońtústik-batystan soqqan jel soltústik-batysqa aýysady, kúshi sekýndyna 15-20 metr, ekpini 23-28 metr bolady, kúndiz 6 naýryzda, 7 naýryzda táýlik boiy kei jerlerde 30 metrge jetip, tipti odan da joǵary bolýy múmkin", - dep eskertti mamandar.
Aita keteiik, bul óńirde aýa temperatýrasy 6 naýryz kúni kúndiz 5 gradýsqa deiin jylynady.
