Singapýr Respýblikasynyń biligi Qytaidan oralǵan azamattar úidegi karantindi saqtamaǵan jaǵdaida qoldanylatyn jazany bekitti, dep habarlaidy Straits Times basylymy Ulttyq damý ministri Loýrens Vongtiń málimdemesine silteme jasap.
Jańa ereje shyqqanǵa deiin Qytaidan oralǵan saiahatshylar 14 kúndik úi jaǵdaiyndaǵy karantindi saqtaýy tiis bolatyn, biraq olarǵa úiinen biraz ýaqytqa shyǵyp ketýge ruqsat berilgen edi.
Zańǵa engizilgen túzetýge sáikes, endi karantindegi azamattar qandai jaǵdai bolsa da, ony buza almaidy. Azyq-túlik, taýar jáne basqa qajet bolǵan dúnielerin alý úshin tanystarynyń kómegine júginýi qajet.
Karantindik rejimdi buzǵandardy alty aiǵa deiin qamaýǵa alyp, sonymen qatar 10 myń singapýr dollary ($7,2 myń.) kóleminde aiyppul salady. Al erejege baǵynbaǵan Singapýrdaǵy shetel azamattary jumystan shyǵarylady nemese deportatsiialanady.
Túzetýler jergilikti ýaqytpen búgin, 18 aqpanda 23:59-dan bastap kúshine enedi.
